Tarbaǵatai ulttyq parkinde orman órtin sóndirý jumystary jalǵasyp jatyr. Oǵan 96 adam, 21 tehnika jáne tikushaq jumyldyryldy, dep habarlaidy dalanews.kz.
Órt anyqtalǵan sátten bastap ony sóndirýge memlekettik orman kúzetiniń qyzmetkerleri kirisken.
Qazirgi ýaqytta órtpen kúreske orman kúzeti, tótenshe jaǵdailar bólimsheleri men jergilikti atqarýshy organdardyń qyzmetkerleri tartylǵan. Sondai-aq «Qazaviaormanqorǵaý» RMQK-nyń tikushaǵy jumyldyrylǵan.
Órt aýmaǵynyń basym bóligi memlekettik orman qorynyń ormansyz jerlerine tiesili.
Órtti sóndirý jumystaryna qatty jel, taýly jer bederi jáne tehnika jete almaityn jekelegen ýchaskelerdiń qoljetimsizdigi kedergi keltirip otyr.
Qol jetpeitin aýmaqtarǵa tikushaqpen 3 tonnadan toǵyz ret sý tógilgen. Jalpy 27 tonna sý paidalanylǵan.
Órtpen kúreske qosymsha kúsh retinde «Semei ormany» memlekettik orman tabiǵi rezervaty men Abai oblysy Tótenshe jaǵdailar departamentiniń kúshteri men quraldary jiberilgen.
Oqiǵa ornynda órtti sóndirý jumystaryn úilestirý úshin QR Ekologiia jáne tabiǵi resýrstar ministrligi Orman sharýashylyǵy jáne janýarlar dúniesi komiteti tóraǵasynyń orynbasary M. Elemesov jumys istep jatyr.
Órtti oqshaýlaý jáne tolyq joiý jumystary jalǵasýda.
