تارباعاتاي ۇلتتىق پاركٸندە ورمان ٶرتٸن سٶندٸرۋ جۇمىستارى جالعاسىپ جاتىر. وعان 96 ادام, 21 تەحنيكا جەنە تٸكۇشاق جۇمىلدىرىلدى, دەپ حابارلايدى dalanews.kz.
ٶرت انىقتالعان سەتتەن باستاپ ونى سٶندٸرۋگە مەملەكەتتٸك ورمان كٷزەتٸنٸڭ قىزمەتكەرلەرٸ كٸرٸسكەن.
قازٸرگٸ ۋاقىتتا ٶرتپەن كٷرەسكە ورمان كٷزەتٸ, تٶتەنشە جاعدايلار بٶلٸمشەلەرٸ مەن جەرگٸلٸكتٸ اتقارۋشى ورگانداردىڭ قىزمەتكەرلەرٸ تارتىلعان. سونداي-اق «قازاۆياورمانقورعاۋ» رمقك-نىڭ تٸكۇشاعى جۇمىلدىرىلعان.
ٶرت اۋماعىنىڭ باسىم بٶلٸگٸ مەملەكەتتٸك ورمان قورىنىڭ ورمانسىز جەرلەرٸنە تيەسٸلٸ.
ٶرتتٸ سٶندٸرۋ جۇمىستارىنا قاتتى جەل, تاۋلى جەر بەدەرٸ جەنە تەحنيكا جەتە المايتىن جەكەلەگەن ۋچاسكەلەردٸڭ قولجەتٸمسٸزدٸگٸ كەدەرگٸ كەلتٸرٸپ وتىر.
قول جەتپەيتٸن اۋماقتارعا تٸكۇشاقپەن 3 توننادان توعىز رەت سۋ تٶگٸلگەن. جالپى 27 توننا سۋ پايدالانىلعان.
ٶرتپەن كٷرەسكە قوسىمشا كٷش رەتٸندە «سەمەي ورمانى» مەملەكەتتٸك ورمان تابيعي رەزەرۆاتى مەن اباي وبلىسى تٶتەنشە جاعدايلار دەپارتامەنتٸنٸڭ كٷشتەرٸ مەن قۇرالدارى جٸبەرٸلگەن.
وقيعا ورنىندا ٶرتتٸ سٶندٸرۋ جۇمىستارىن ٷيلەستٸرۋ ٷشٸن قر ەكولوگييا جەنە تابيعي رەسۋرستار مينيسترلٸگٸ ورمان شارۋاشىلىعى جەنە جانۋارلار دٷنيەسٸ كوميتەتٸ تٶراعاسىنىڭ ورىنباسارى م. ەلەمەسوۆ جۇمىس ٸستەپ جاتىر.
ٶرتتٸ وقشاۋلاۋ جەنە تولىق جويۋ جۇمىستارى جالعاسۋدا.
