Tarazda qamqorlyǵyndaǵy balalardy urǵan áıel qamaýǵa alyndy, dep habarlaıdy Dalanews.kz.

Bul týraly Jambyl oblysynyń Polısıa departamenti málimdedi.

"Bul derekke qatysty QR Qylmystyq kodeksiniń 110-baby 2-bóligi (Qınaý) jáne 140-baby 3-bóligi (Eki nemese odan da kóp kámeletke tolmaǵanǵa qatysty tárbıeleý jónindegi mindetterdi oryndamaý) boıynsha sotqa deıingi tergeý amaldary bastaldy. Balalar medısınalyq qyzmetkerlerdiń tekserýinen ótkizilip, mamandandyrylǵan balalar mekemesine ornalastyryldy", - dep jazylǵan habarlamada.

Sondaı-aq, taǵy eki azamat №5 arnaıy áleýmettik qyzmetter kórsetý ortalyǵyna jetkizilgen.

"Kúdikti ýaqytsha ustaý ızolátoryna qamaldy", - dep jazylǵan habarlamada.

Tergeý barysynda bolǵan jaǵdaıdyń barlyq mán-jaıy jan-jaqty zerdelenbek. Onyń qorytyndysy boıynsha Qazaqstan Respýblıkasy zańnamasynyń talaptaryna sáıkes tıisti prosesýaldyq sheshim qabyldanatyny aıtyldy.

Eske salaıyq, buǵan deıin Tarazda áıel asyrap alǵan balalaryn aıaýsyz uryp-soqqany habarlandy.