Таразда қамқорлығындағы балаларды ұрған әйел қамауға алынды, деп хабарлайды Dalanews.kz.
Бұл туралы Жамбыл облысының Полиция департаменті мәлімдеді.
"Бұл дерекке қатысты ҚР Қылмыстық кодексінің 110-бабы 2-бөлігі (Қинау) және 140-бабы 3-бөлігі (Екі немесе одан да көп кәмелетке толмағанға қатысты тәрбиелеу жөніндегі міндеттерді орындамау) бойынша сотқа дейінгі тергеу амалдары басталды. Балалар медициналық қызметкерлердің тексеруінен өткізіліп, мамандандырылған балалар мекемесіне орналастырылды", - деп жазылған хабарламада.
Сондай-ақ, тағы екі азамат №5 арнайы әлеуметтік қызметтер көрсету орталығына жеткізілген.
"Күдікті уақытша ұстау изоляторына қамалды", - деп жазылған хабарламада.
Тергеу барысында болған жағдайдың барлық мән-жайы жан-жақты зерделенбек. Оның қорытындысы бойынша Қазақстан Республикасы заңнамасының талаптарына сәйкес тиісті процессуалдық шешім қабылданатыны айтылды.
Еске салайық, бұған дейін Таразда әйел асырап алған балаларын аяусыз ұрып-соққаны хабарланды.
