Tarazda áıel asyrap alǵan balalaryn aıaýsyz uryp-soqqan, dep habarlaıdy Dalanews.kz.

Áleýmettik jelide jýrnalıs Rýslan Ótepbaı jantúrshigerlik vıdeo jarıalady. Kadrda áıel balalardy uryp-soǵyp jatqany kórinedi.

Bul jaǵdaıǵa Taraz ákimdigi ókilderi pikir bildirdi. 

"Bul jaıt 2025 jylǵy 29 jeltoqsanda anyqtalǵan. Sol kúni balalar mektepke kelgen kezde bilim berý mekemesiniń psıhologi olardyń denesinde uryp-soǵý belgilerin baıqaǵan. Osy derek negizinde polısıa tarapynan qylmystyq is qozǵalyp, balalardyń zańdy qamqorshysy retinde kórsetilgen Z.T. esimdi azamatshaǵa qatysty tergeý amaldary bastaldy", - dep jazylǵan habarlamada.

Nátıjesinde kámeletke tolmaǵan balalardy qamqorlyǵyna berý týraly qaýlynyń kúshi joıylǵan.

Balalar 2025 jylǵy 29 jeltoqsannan bastap arnaıy beıimdeý ortalyqtaryna ornalastyrylǵan.