Tanymal qazaqstandyq akter Murat Bisembin insýlt alyp, shuǵyl túrde aýrýhanaǵa jetkizildi. Bul týraly onyń qyzy áleýmettik jelidegi paraqshasynda jazdy, dep habarlaidy Dalanews.kz.
Akter bir jyldan astam ýaqyt boiy onkologiialyq dertpen – uiqybez qaterli isigimen kúresip keledi. Himioterapiia kýrstarynan keiin onyń aǵzasy aitarlyqtai álsirep, sońǵy ýaqytta densaýlyq jaǵdaiy kúrt nasharlaǵan.
Akterdiń áriptesi, óner iesi Jan Baijanbaevtyń aitýynsha, qazirgi tańda Murat Bisembinge shuǵyl túrde immýnoterapiia qajet. Onyń sózinshe, bul jaǵdaidy turaqtandyryp, emdi jalǵastyrýǵa múmkindik beretin jalǵyz jol, alaida atalǵan terapiia óte qymbat.
Qazirgi ýaqytta Murat Bisembin dárigerlerdiń turaqty baqylaýynda aýrýhanada jatyr. Óner iesiniń týǵan-týystary, jaqyndary men áriptesteri onyń saýyǵyp ketýinen úmitti ekenin aityp, kópshilikti osy qiyn kezeńde qoldaý kórsetýge shaqyrdy.
