تانىمال قازاقستاندىق اكتەر مۇرات بيسەمبين ينسۋلت الىپ, شۇعىل تٷردە اۋرۋحاناعا جەتكٸزٸلدٸ. بۇل تۋرالى ونىڭ قىزى ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى Dalanews.kz.
اكتەر بٸر جىلدان استام ۋاقىت بويى ونكولوگييالىق دەرتپەن – ۇيقىبەز قاتەرلٸ ٸسٸگٸمەن كٷرەسٸپ كەلەدٸ. حيميوتەراپييا كۋرستارىنان كەيٸن ونىڭ اعزاسى ايتارلىقتاي ەلسٸرەپ, سوڭعى ۋاقىتتا دەنساۋلىق جاعدايى كٷرت ناشارلاعان.
اكتەردٸڭ ەرٸپتەسٸ, ٶنەر يەسٸ جان بايجانباەۆتىڭ ايتۋىنشا, قازٸرگٸ تاڭدا مۇرات بيسەمبينگە شۇعىل تٷردە يممۋنوتەراپييا قاجەت. ونىڭ سٶزٸنشە, بۇل جاعدايدى تۇراقتاندىرىپ, ەمدٸ جالعاستىرۋعا مٷمكٸندٸك بەرەتٸن جالعىز جول, الايدا اتالعان تەراپييا ٶتە قىمبات.
قازٸرگٸ ۋاقىتتا مۇرات بيسەمبين دەرٸگەرلەردٸڭ تۇراقتى باقىلاۋىندا اۋرۋحانادا جاتىر. ٶنەر يەسٸنٸڭ تۋعان-تۋىستارى, جاقىندارى مەن ەرٸپتەستەرٸ ونىڭ ساۋىعىپ كەتۋٸنەن ٷمٸتتٸ ەكەنٸن ايتىپ, كٶپشٸلٸكتٸ وسى قيىن كەزەڭدە قولداۋ كٶرسەتۋگە شاقىردى.
