«Tańbaly» mýzeiinde «Sapar» ortalyǵy ashyldy
Ǵimarattyń ashylýyna QR Mádeniet jáne sport vitse-ministri Nurǵisa Dáýeshov, Almaty oblysynyń ákiminiń orynbasary Rýstem Áli, Jambyl aýdanynyń ákimi Baǵdat Áliev, Qazaqstan mádenietiniń ǵylymi zertteý institýtynyń direktory Dosbol Baiqonaqov jáne Ministrlikke baǵynysty mekeme basshylary, ózge de qonaqtar qatysty.
«Tańbaly» qoryq mýzeiiniń «Sapar ortalyǵy» 2018-2019 jyldary salyndy. Biyl kórme zalyn mýzeilendirý jumystary júrgizilgen. Zamanaýi úlgide jabdyqtalǵan jańa ortalyqta kórme zaly, konferentsiia zaly, zerthana, kitaphana, keńse, kelýshiler úshin ashana jáne qonaqúi bar.
Eki qabatty ǵimarattyń jalpy aýmaǵy 1478,9 sharshy metrdi quraidy. Ǵimarattyń syrtynda 5 kiiz úi tigilgen dástúrli etnoaýyl bar. Onda qazaqtyń dástúrli qolóner, zergerlik, ańshylyq óneri, turmys-salt buiymdary jaily maǵlumat alýǵa bolady.
Sonymen qatar «Jetisýdyń jartas óneri» atty ǵylymi tájiribelik konferentsiiada «Tańbaly» qoryq-mýzeii ǵylymi-zertteý bóliminiń meńgerýshisi Rinat Sharipov «Jetisý aýmaǵyndaǵy jartas sýretterin mýzeilendirý», arheologiia ǵylymynyń doktory, Ál-Farabi atyndaǵy QazUÝ tarih fakýlteti arheologiia-etnologiia kafedrasynyń meńgerýshisi Rinat Jumataev «Arheologiiadaǵy jartas óneriniń ereksheligi», tarih ǵylymynyń kandidaty, QR Ulttyq Ǵylym akademiiasynyń múshesi, Sh.Ýálihanov atyndaǵy tarih jáne etnologiia istitýtynyń jetekshi ǵylymi qyzmetkeri Altyn Ýaltaeva «Jartas beineleriniń mán-maǵynasy», Qazaqstannyń Eńbek sińirgen ekskýrsovody Baqyt Orazymbetova «Týrizmdi damytýdaǵy «Tańbalynyń» mańyzy» taqyrybynda baiandama jasady.
