"Jolaýshylar tasymaly" poiyzda zorlanǵan azamatshaǵa 3 mln teńge tóleitin boldy. Talap-aryzdy Astananyń azamattyq ister jónindegi aýdanaralyq soty qarady, dep jazady Dalanews.kz.
"Jolaýshylar tasymaly" aktsionerlik qoǵamynan jábirlenýshiniń paidasyna 3 mln teńge mólsherinde moraldyq ziian ótemaqysy,sondai-aq sotqa ketken shyǵystaryna 350 myń teńge mólsherinde qarajat óndirip alynsyn. Talap qoiý boiynsha basqa bóligin qanaǵattandyrýdan bas tartylady", delingen sot sheshiminde.
Jábirlenýshi bul rette apelliatsiialyq shaǵym túsire alady.
Aita ketsek, qylmystyń ózi 2018 jyldyń qyrkúieginde bolǵan. Ol kezde ǵylymi konferentsiiadan kele jatqan Aqtóbe oblysynyń 35 jastaǵy turǵynyn eki jolserik kýpede zorlaǵan. Ekeýi de 2,5 jylǵa bas bostandyǵynan aiyrylǵan edi. Ol kezde sýdia Orazbai Satybaldy zorlyq-zombylyq aiaq-astynan jasalǵan, aldyn ala sóz bailasý bolmady dep eseptedi. Jábirlenýshi jazany qatańdatýdy talap etti. Apelliatsiialyq alqa birinshi satydaǵy sottyń úkimin joiyp, jolserikterge bes jylǵa bas bostandyǵynan aiyrý jazasyn taǵaiyndady. 2024 jyldyń maýsymynda olardyń bostandyqqa shyqqany belgili boldy.
