Qazaqstan fýtbol federatsiiasy ulttyq quramanyń bas bapkeri Talǵat Marýanuly Baisýfinovtyń óz erkimen qyzmetinen ketý týraly sheshim qabyldaǵanyn málimdedi, dep habarlaidy dalanews.kz.
Federatsiia bas bapkerdiń otstavkasyn ókinishpen qabyldap, onyń sheshimine qurmetpen qaraitynyn atap ótti.
KFF málimetinshe, Talǵat Baisýfinov ulttyq quramany basqarǵan kezeńde óz jumysyndaǵy eń úzdik nátijelerdiń birine qol jetkizdi. Onyń jetekshiligimen Qazaqstan quramasy álem chempionatynyń irikteý kezeńinde óz alańynda Belgiiamen teń oinap, jankúierlerdiń senimin aqtady.
Sondai-aq Baisýfinovtyń basshylyǵymen komanda óz kúshine degen senimdiligin qaita qalyptastyryp, FIFA reitingindegi kórsetkishterin jaqsartty.
Qazaqstan fýtbol federatsiiasy Talǵat Marýanulyna kásibiligi, ulttyq quramaǵa degen adaldyǵy jáne qazaqstandyq fýtboldyń damýyna qosqan eleýli úlesi úshin alǵys bildirip, aldaǵy qyzmetine tabys tiledi.
Federatsiia ulttyq quramanyń jańa jattyqtyrýshylar shtabyna qatysty sheshim keiinirek jariialanatynyn jetkizdi. Qazirgi ýaqytta komanda aldaǵy matchtarǵa daiyndyqty josparly túrde jalǵastyryp jatyr.
