Bir top buzaqynyń qolynan ajal qushqan Sherzat Bolattyń isi boiynsha jábirlenýshi taraptyń qorǵaýshysy Saida Táýekelova qazaqstandyqtarǵa úndeý jasady, dep habarlaidy Dalanews.kz.
Ol kópshilikten marqum Sherzattyń otbasyn jaiyna qaldyrýdy surady.
"Sońǵy kezderi áleýmettik jelilerde óz múddelerin kózdegen blogerler Sherzattyń ólimine qatysty is boiynsha sottyń ashyq ótýin talap etip, ashyq málimdemelermen joǵarǵy organdarǵa júginýde. Advokattar men jábirlenýshilerdiń ókilderi sot protsesin ashyq ótkizýdi áý bastan qoldaǵanyn jáne bul týraly ótinish berýge nietti ekenin belsendi túrde málimdegenin túsindirgimiz keledi. Prokýratýra da bul ustanymdy qoldady, órt qoiý faktisi boiynsha tergeýdi arnaiy jasaq tolyǵymen júrgizip jatyr. Is boiynsha barlyq sharalar, sonyń ishinde úidi órteý faktisi boiynsha tergeý jumystary qarqyndy júrgizilýde", – deidi qorǵaýshysy.
Sonymen qatar taratylyp jatqan jalǵan aqparattar tergeý jumystaryn tejeitinin atap ótti.
"Bul is boiynsha qoǵamdyq talqylaý men jalǵan aqparattyń taralýy tergeýge kedergi keltirip qana qoimai, orny tolmas qaiǵyǵa ushyraǵan otbasyǵa aýyr tiiýde. Blogerlerden otbasy shekarasyn qurmetteýdi jáne tergeý organdaryna óz jumysyn kásibi jáne obektivti túrde aiaqtaýǵa múmkindik berýdi suraimyz! Sonymen qatar blogerler men jurtshylyqtyń nazaryna Sherzattyń ata-anasy men onyń aǵasy is boiynsha jábirlenýshi retinde tanylǵanyn aitamyz! Qalǵan týystary qylmystyq is materialdaryna qol jetkize almaidy, sondyqtan olardyń aitqandarynyń bári – olardyń sýbektivti qabyldaýy.
Qurmet, jaýapkershilik jáne qoldaý – qazir Sherzattyń otbasyna qajet nárse”, - dedi ol.
Zańgerdiń aitýynsha, jábirlenýshi taraptyń baspana máselesi de qalys qalyp jatqan joq.
“Qorytyndylai kele, turǵyn úi máselesi boiynsha qarjylyq qoldaý máselesi qazir sheshilýde, Sherzattyń otbasyna psihologiialyq kómek kórsetilýde jáne balalar qajetti zattarmen qamtamasyz etildi. Orny tolmas qaiǵy týraly aqparat taratýdy doǵaryńyz! Biz barsha qazaqstandyqtarǵa qoldaý bildirgeni úshin alǵys aitamyz, biraq qazir tergeý jalǵan jolmen júrip jatyr dep esepteýge eshqandai alǵyshart joq!", – deidi ol.
Aita keteiik, kúni keshe marqum Sherzat Bolattyń jaqyndary Toqaevqa úndeý jasaǵan edi. Olar memleket basshysynan ashyq sottyń bolýyn talap etken bolatyn.
“Ashyq sot bolmasa, istiń burmalanyp ketetinine júz paiyz senimdimin. Qorqyp otyrǵanymyz da - sol. Sol sebepti úndeý jasap jatyrmyz. Jańa Qazaqstannyń zaiyrly memleket ekenin dáleldeitin ashyq sot bolýyna múmkindik berse deimiz”, - degen edi Sherzattyń ápkesi.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý izoliatoryna qamaýǵa alynǵan.
15 qazanda Ishki ister vitse-ministri taǵy úsh kúdiktini ustaǵanyn málim etti.
Al 18 qazanda taǵy bir kúdiktini qolǵa túsirdi.
Sonymen qatar, Almaty oblystyq politsiia departamenti bastyǵynyń mindetin atqarýshy Shalqarov tóbelesten keiin qansha qarý tárkilengenin aitty.
Odan keiin Sherzattyń úiine kúzet qoiyldy.
Kóp uzamai marqum Sherzattyń úii órtendi.
