Sońǵy kúnderi áleýmettik jelilerde, ásirese TikTok pen Instagram-da halyqty kóshege shyǵýǵa úndeitin beinerolikter men jazbalar keńinen taralyp ketti. Belgili zańger Aigúl Orynbek bul máselege alańdap, osy saryndaǵy áreket el ishindegi turaqtylyqqa nuqsan keltirýi múmkin ekenin eskertti, dep habarlaidy Dalanews.kz.
Aitýynsha, bul memleket ishine iritki salýǵa niettengen arandatýshy toptardyń maqsatty áreketi.
“Tipti oqyrmandary kóp blogerlerdi “Sherzat jaily jazbasa, otpiska jasańdar” dep aidap salýda. Talǵardaǵy oqiǵa elimizge ylań salǵysy kelip otyrǵan syrtqy kúshterge jáne ishten iritki jasaǵysy kelgenderge keremet qural bolyp tur. 16 jeltoqsanǵa qarsy halyqty kóshege shyǵarý úshin ádeii jasalyp jatqan dúnie bolýy ábden múmkin.
Áitpese bundai ádiletsiz tergelip jatqan qylmystyq ister elimizdiń barlyq aimaǵynda bolyp jatyr.
Jyly úide jatyp alyp, anaý jaqqa nege barmaisyń, myna jaqty nege qoldamaisyń deý bárimizdiń qolymyzdan keledi.
Halyqtyń júgin kóterý ońai emes, ár aimaqta jazyqsyz ólip jatqan adam kóp!”, — dep jazdy ol.
Sonymen qatar zańger TikTok platformasyndaǵy halyqty ashyq kóteriliske shaqyratyn beinerolikterge nazar aýdaryp, QR Ulttyq qaýipsizdik komiteti men Bas prokýratýrasyna úndeý joldady. Ol osy videolarǵa qarsy shuǵyl sharalar qabyldaýdy talap etti.
“Sheteldik blogerler ishki saiasatymyzǵa nege aralasady?
Bizdiń halyqty kóshege shyǵýǵa ashyq shaqyryp jatqan videolary tik- tokta óte kóp. Olarǵa tyiym salýǵa qandai jumystar jasalyp jatyr?!
Bul máselege tiisti organdar tez arada aralasýy tiis,” – dep málimdedi ol.
Qazirgi ýaqytta Sherzat Bolattyń otbasyna zańgerlik kómek kórsetilip jatqany belgili.
Elimizde beibitshilik pen turaqtylyqty saqtaý úshin árbir azamat jazbalary men áreketterine jaýapkershilikpen qaraýy tiis ekenin eske salǵan Aigúl Orynbek óz úndeýin bylai aiaqtady.
“Eldiń aldynda rezonanstyq isterdi alyp júrý ekiniń qolynan kele bermeidi.
Video túsirip aiqailasa boldy, halyq meni qoldap, másele sheshilip ketedi dep oilasańyzdar qatelesesizder.
El aldyńda árbir jazylǵan jazbańa zań aldynda jaýap beresiń.
Sol sebepti abai bolyńyzdar, arandap qalmańyzdar!
Dál qázir Sherzattyń otbasyna kómek kórsetip jatqan qorǵaýshylar men qoǵamnyń júgin arqalaǵysy kelgen Saltanattyń aǵasy bar. Moinyna aldyma jumysynyń nátijesin kórsetsin”, — dep qosty ol.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 11 adam ustalyp, ýaqytsha ustaý izoliatoryna qamaýǵa alyndy.
Kóp uzamai, iaǵni 9 jeltoqsanda marqum Sherzat Bolattyń aǵasy Nurqanat Ǵaiypbaev ajal qushty. Politsiia departamentiniń aldyn ala derekteri boiynsha onyń sýitsid jasaǵanyn málimdedi. Oǵan dálel retinde politseiler Nurqanattyń týysyna messendjer arqyly jazǵan hatyn jariia etti.
Habarlamada ol týysqandarymen qoshtasyp, jieniniń janyna jerleýdi suraǵan. Bul fakti boiynsha qylmystyq is qozǵaldy.
Al 10 jeltoqsanda onyń ólimine qatysty saraptama qorytyndysy shyqty.
"Sot-meditsinalyq saraptamanyń aldyn ala boljamy boĭynsha, 9 jeltoqsanda Talǵardyń shetinde tabylǵan 30 jastaǵy er adamnyń máĭiti ózin-ózi asý arqyly mehanikalyq asfiksiia nátijesinde bolǵanyn kórsetti. Denesinde zorlyq-zombylyq sipattaǵy belgiler joq.
Sarapshylarmen anyqtalǵan dene jaraqattary, mysaly, strangýliatsiialyq jáne moĭynnyń abraziialary asylǵan jipti qoldanǵan kezinde paĭda bolatyn jaraqattarǵa sáĭkes keletinin kórsetti. Barlyq belgiler sýitsidti kórsetedi, moĭynyndaǵy zaqymdaný sipaty mundaĭ jaǵdaĭlarǵa tán", - delingen habarlamada.
Al marqum Sherzattyń ákesi baýyry Nurqanat Ǵaiypbaevty jer qoinyna tapsyrǵanan keiin, buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti.
"Qarjaýbai Nurymov prokýrordyń zańdy saqtaý týraly túsindirmelerin elemedi. Shekten tys agressivti minez-qulyq tanytyp, basqalardy óz-ózine qol jumsaimyn dep qorqytty. Sonymen qatar politsiia qyzmetkerine pyshaqpen shabýyl jasady. Onyń minez-qulqy ózine de, basqalarǵa da qaýip tóndirdi", — delingen habarlamada.
Osylaisha Sherzat Bolattyń ákesi men ápkesi qamaýǵa alyndy.
Eńbekshiqazaq aýdandyq soty ákimshilik is júrgizý tártibimen isterdi qaraý nátijeleri boiynsha azamat S. Nurymova usaq buzaqylyq jasaǵany úshin (ÁQBtK 434-babynyń 1-bóligi) 20 AEK mólsherinde aiyppul salýmen ákimshilik jaýapkershilikke tartyldy.
QR beibit jinalystardy uiymdastyrý jáne ótkizý tártibi týraly zańnamasyn buzǵany úshin (ÁQBtK 488- babynyń 8-bólimi.) azamattyǵy joq adam jasaǵan, azamatsha B. Reimova ákimshilik tártippen 15 táýlikke qamaýǵa alynyp, keiinnen QR sheginen shyǵaryp jiberildi.
Qoǵamdyq orynda balaǵat sózder aitqany, quqyq qorǵaý organdarynyń qyzmetkerlerin qorlap, sondai-aq qoǵamdyq tártip pen azamattardyń tynyshtyǵyn buzatyn ainalasyndaǵylarǵa qurmetsizdik tanytatyn is-áreketter jasaǵany jáne kólik quraldarynyń qozǵalysy úshin kedergiler jasaǵany úshin Qarjaýbai Nurymov 15 táýlikke ákimshilik qamaýǵa alyndy.
