Almaty oblysy politsiiasynyń baspasóz qyzmeti áleýmettik jelide paida bolǵan aqparatqa bailanysty málimdeme jasady, dep habarlaidy Dalanews.kz.
Tártip saqshylary aqparatqa jaýap berip, Talǵar aýdany Tuzdybastaý aýylyndaǵy dámhanalardyń biriniń mańynda atys boldy degen aqparat taraǵany shyndyqqa sáikes kelmeitinin túsindirdi.
Belgili bolǵandai, mekeme qonaqtary sózge kelip qalyp, janjalǵa ulasqan. Oqiǵaǵa senip tapsyrylǵan aimaqty patrýldep júrgen politseiler jedel túrde aralasyp, jaǵdaidy rettedi.
Buzaqylyq áreketter faktisi boiynsha qylmystyq is qozǵaldy. Barlyq qatysýshylar politsiiaǵa jetkizildi.
Zardap shekkender joq. Qazirgi ýaqytta oqiǵanyń mán-jaiy anyqtalýda.
“Biz tek resmi derekkózderge senýge shaqyramyz jáne jalǵan aqparatty taratý zań boiynsha jazalanatynyn, tipti qylmystyq jaýapkershilikke deiin ákelýi múmkin ekenin eske salamyz”, – dedi tártip saqshylary.
Eske salaiyq, buǵan deiin talǵarlyq 16 jastaǵy Sherzattyń ólimi dúiim jurtty dúrliktirgen edi. Jas jigit bir top buzaqynyń qolynan ajal qushty.
Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý izoliatoryna qamaýǵa alynǵan.
