15 jeltoqsanda Talǵar qalasynda ótken ákim sailaýynda «AMANAT» partiiasynan usynylǵan Arystanbek Ábilqaiyruly 9 071 daýys jinap, jeńiske jetti, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Qalǵan úmitkerler arasynda Jánibek Qadenov 1 875 daýys, al Álibek Ramazanov 1 140 daýys jinady. Sonymen qatar, 182 sailaýshy «Barlyǵyna qarsy» tańdaýyn jasady.
Sailaýǵa jalpy 42 774 turǵyn tirkelip, onyń 12 875-i óz tańdaýyn jasady. Qatysý deńgeii 30,1%-dy qurady.
1983 jyldyń 12 naýryzynda Almaty oblysynda dúniege kelgen Arystanbek Ábilqaiyruly – mamandyǵy boiynsha ekolog. Óz eńbek jolyn 2005 jyly «MAG group» qurylys kompaniiasynda bastap, alǵashqy tájiribe jinaǵan. Keiin 2006-2009 jyldary Úkimettik tájiribelik sharýashylyǵynda direktordyń kómekshisi bolyp qyzmet etti.
2009 jyldan bastap Talǵar qalasyndaǵy «Marat» óndiristik kooperativinde jumys istep, damý menedjerliginen bastap osy mekemeniń orynbasary deńgeiine deiin kóterildi. 2023 jyldan beri «Talǵar turǵyn úi» jaýapkershiligi shekteýli seriktestiginiń bas direktory qyzmetin atqaryp keledi.
Turǵyndardyń qoldaýyna ie bolǵan Arystanbek Ábilqaiyruly óziniń sailaýaldy baǵdarlamasynda Talǵar qalasyn damytýǵa baǵyttalǵan naqty bastamalardy usyndy.
Arystanbek Ábilqaiyruly qalanyń ekonomikalyq ósimin qamtamasyz etý úshin investorlardy tartyp, jańa jumys oryndaryn ashýǵa jáne shaǵyn jáne orta biznesti qoldaýǵa ýáde berdi. Sonymen qatar, qalada jańa kásiporyndar ashýǵa yqpal etip, jergilikti ónimderdi óndirýge basymdyq bermek.
Infraqurylymdy damytý máselesinde jol-kólik júiesin jańartýǵa erekshe nazar aýdarady. 2026 jylǵa qarai 20 kóshege jóndeý jumystaryn júrgizip, kólik keptelisin azaitý maqsatynda qalada jańa kópir salýdy qolǵa almaq. Qala turǵyndaryn taza aýyz sýmen qamtamasyz etý úshin 2028 jylǵa deiin tolyqqandy sheshim qabyldanatynyn málimdedi.
Áleýmettik salada tarihi-mádeni murany dáripteýge erekshe mán berip, «Talhiz» murajaiyn ashýǵa yqpal etpek. Sonymen birge, №2 orta mektepti kúrdeli jóndeýden ótkizip, áleýmettik osal toptarǵa turaqty baspana berý máselesin baqylaýda ustaitynyn jetkizdi.
Qoǵamdyq qaýipsizdik salasynda qala kóshelerine beinebaqylaý kameralaryn ornatyp, jaiaý júrginshiler jolyn jańartý jáne jaryqtandyrý júiesin damytý sharalaryn qolǵa alady.
