Eli men jerin qaltqysyz súigen azamatpen halqy qimastyqpen qoshtasty. Marqumdy kindik qany tamǵan Almatydan 100 shaqyrym jerdegi Beriktas aýylynda jer qoinyna tapsyrdy.
Sońǵy saparyna dúiim jurt bolyp shyǵaryp saldy. Talǵar aýdany ákimdiginiń aldyna Jolan Omarovtyń sýreti qoiylyp, aýdan jurtshylyǵy ákimdiktiń aldyna gúl qoiyp, rýhyna taǵzym jasady.
«Qalyqtap qyranda, baýyrlap jylanda» shyǵatyn biigine asyl er kózi tirisinde jetti. Onyń shyńǵa shyǵýdaǵy ereksheligi adaldyǵy men parasattylyǵynda edi.
Qansha jastyń shamshyraǵyn jaqqan biregei basshy bola bildi. Bilik pen buqaranyń arasynda kórinbes kedergini buza bilgen arda azamat edi.
Mynaý keń dúniege syimai ketken, ómir báigesiniń tulpary máńgilik mekenine attanǵan kúni Han Táńirdiń ańǵary da sirkirep qoia berdi.
Kisiligi men kishiligi bir tóbe, týralyǵy bir tóbe bolǵan Jolan Omarovtyń qazasy kimge de bolsa ońai tigen joq. Artynda tórt birdei perzenti, asyl jary, aǵaiyn-jurty qaldy. Aqqan juldyqdai jarq etti. Baqul bol, eliniń asyl eri!
Belgili aqyn Janarbek Áshimjan áleýmettik jelidegi paraqshasynda marqumdy "eldiń yqylasyna bólengen ákim" dep atady.
"Ybyraiaqyn aǵamyz ben sheshemizge, Ulan baýyrymyzǵa, Jolannyń jaǵasyna kir qondyrmai, kúndiz-túni qas qabaǵyn kúzetken, altyn asyqtai tórt perzent syilaǵan Toǵjan kelinge basý aittyq. Jaǵdaiǵa qaramastan jer qaiysqan halyq jinaldy. Eki jastyń birine kelmei el-halyqtyń yqylasyna bólengen Azamattyń iman nury peiishte shalqysyn.
Halyqtyń mahabbatyna, shapaǵatyna bólengen mundai basshylar sirek qoi...", – dedi Janarbek Áshimjan.
Marqum eki apta boiyna pnevmoniiamen kúresip, aýrýhana jatqan, alaida qaterli indetti kótere almady. Jolan Omarov nebári 41 jasynda ómirden ótti.
Memleketti qyzmetke kelmei tura kásipkerlikpen ainalysty. Keiinnen Qasqeleńdegi jer bóliminde eńbek etti, Almaty oblys jer qatynasy jáne týrizm bólimin basqardy. Raiymbek aýdanynyń ákimi boldy.
Dalanews.kz redaktsiiasy marqumnyń ata-anasy, jubaiy, balalary , týǵan-týystaryna qaiǵyryp kóńil aitady!
