ەلٸ مەن جەرٸن قالتقىسىز سٷيگەن ازاماتپەن حالقى قيماستىقپەن قوشتاستى. مارقۇمدى كٸندٸك قانى تامعان الماتىدان 100 شاقىرىم جەردەگٸ بەرٸكتاس اۋىلىندا جەر قوينىنا تاپسىردى.
سوڭعى ساپارىنا دٷيٸم جۇرت بولىپ شىعارىپ سالدى. تالعار اۋدانى ەكٸمدٸگٸنٸڭ الدىنا جولان وماروۆتىڭ سۋرەتٸ قويىلىپ, اۋدان جۇرتشىلىعى ەكٸمدٸكتٸڭ الدىنا گٷل قويىپ, رۋحىنا تاعزىم جاسادى.
«قالىقتاپ قىراندا, باۋىرلاپ جىلاندا» شىعاتىن بيٸگٸنە اسىل ەر كٶزٸ تٸرٸسٸندە جەتتٸ. ونىڭ شىڭعا شىعۋداعى ەرەكشەلٸگٸ ادالدىعى مەن پاراساتتىلىعىندا ەدٸ.
قانشا جاستىڭ شامشىراعىن جاققان بٸرەگەي باسشى بولا بٸلدٸ. بيلٸك پەن بۇقارانىڭ اراسىندا كٶرٸنبەس كەدەرگٸنٸ بۇزا بٸلگەن اردا ازامات ەدٸ.
مىناۋ كەڭ دٷنيەگە سىيماي كەتكەن, ٶمٸر بەيگەسٸنٸڭ تۇلپارى مەڭگٸلٸك مەكەنٸنە اتتانعان كٷنٸ حان تەڭٸردٸڭ اڭعارى دا سٸركٸرەپ قويا بەردٸ.
كٸسٸلٸگٸ مەن كٸشٸلٸگٸ بٸر تٶبە, تۋرالىعى بٸر تٶبە بولعان جولان وماروۆتىڭ قازاسى كٸمگە دە بولسا وڭاي تيگەن جوق. ارتىندا تٶرت بٸردەي پەرزەنتٸ, اسىل جارى, اعايىن-جۇرتى قالدى. اققان جۇلدىقداي جارق ەتتٸ. باقۇل بول, ەلٸنٸڭ اسىل ەرٸ!
بەلگٸلٸ اقىن جاناربەك ەشٸمجان ەلەۋمەتتٸك جەلٸدەگٸ پاراقشاسىندا مارقۇمدى "ەلدٸڭ ىقىلاسىنا بٶلەنگەن ەكٸم" دەپ اتادى.
"ىبىراياقىن اعامىز بەن شەشەمٸزگە, ۇلان باۋىرىمىزعا, جولاننىڭ جاعاسىنا كٸر قوندىرماي, كٷندٸز-تٷنٸ قاس قاباعىن كٷزەتكەن, التىن اسىقتاي تٶرت پەرزەنت سىيلاعان توعجان كەلٸنگە باسۋ ايتتىق. جاعدايعا قاراماستان جەر قايىسقان حالىق جينالدى. ەكٸ جاستىڭ بٸرٸنە كەلمەي ەل-حالىقتىڭ ىقىلاسىنا بٶلەنگەن ازاماتتىڭ يمان نۇرى پەيٸشتە شالقىسىن.
حالىقتىڭ ماحابباتىنا, شاپاعاتىنا بٶلەنگەن مۇنداي باسشىلار سيرەك قوي...", – دەدٸ جاناربەك ەشٸمجان.
مارقۇم ەكٸ اپتا بويىنا پنەۆمونييامەن كٷرەسٸپ, اۋرۋحانا جاتقان, الايدا قاتەرلٸ ٸندەتتٸ كٶتەرە المادى. جولان وماروۆ نەبەرٸ 41 جاسىندا ٶمٸردەن ٶتتٸ.
مەملەكەتتٸ قىزمەتكە كەلمەي تۇرا كەسٸپكەرلٸكپەن اينالىستى. كەيٸننەن قاسقەلەڭدەگٸ جەر بٶلٸمٸندە ەڭبەك ەتتٸ, الماتى وبلىس جەر قاتىناسى جەنە تۋريزم بٶلٸمٸن باسقاردى. رايىمبەك اۋدانىنىڭ ەكٸمٸ بولدى.
Dalanews.kz رەداكتسيياسى مارقۇمنىڭ اتا-اناسى, جۇبايى, بالالارى , تۋعان-تۋىستارىنا قايعىرىپ كٶڭٸل ايتادى!
