Taldyqorǵannyń burynǵy ákimi Áset Masabaev Almaty oblysynyń ákimi Marat Sultanǵazıevtyń orynbasary bolyp taǵaıyndaldy. Bul týraly óńir basshysynyń baspasóz qyzmeti málimdedi, dep habarlaıdy Dalanews.kz.
Áset Masabaev Taldyqorǵan qalasynyń ákimi qyzmetin 2022 jyldyń naýryzynan 2023 jyldyń maýsym aıynyń sońyna deıin atqardy. Onyń qyzmetten ketýin jańa ákim Ernat Bázil densaýlyq jaǵdaıymen baılanystyrǵan edi. Belgili bolǵandaı, jumystan shyǵar aldynda Masabaev mıkroınsýlt alǵan.
Áset Masabaevtyń Almaty ákimdiginde jetekshi laýazymdarda 10 jyldan astam tájirıbesi bar. Ol energetıka jáne komýnaldyq sharýashylyq basqarmasynyń bólim basshysy, ákimniń bas ınspektory, tabıǵı resýrstar jáne energıa tıimdiligi basqarmalaryn basqarǵan.
Taldyqorǵanǵa taǵaıyndalmas buryn, Masabaev Almaty qalasynyń Medeý aýdany ákimi qyzmetin bir jarym jyl boıy atqarǵan.
