تالدىقورعاننىڭ بۇرىنعى اكىمى اسەت ماسابايەۆ الماتى وبلىسىنىڭ اكىمى مارات سۇلتانعازييەۆتىڭ ورىنباسارى بولىپ تاعايىندالدى. بۇل تۋرالى ءوڭىر باسشىسىنىڭ باسپا ءسوز قىزمەتى مالىمدەدى، دەپ حابارلايدى Dalanews.kz.
اسەت ماسابايەۆ تالدىقورعان قالاسىنىڭ اكىمى قىزمەتىن 2022 جىلدىڭ ناۋرىزىنان 2023 جىلدىڭ ماۋسىم ايىنىڭ سوڭىنا دەيىن اتقاردى. ونىڭ قىزمەتتەن كەتۋىن جاڭا اكىم ەرنات ءبازىل دەنساۋلىق جاعدايىمەن بايلانىستىرعان ەدى. بەلگىلى بولعانداي، جۇمىستان شىعار الدىندا ماسابايەۆ ميكروينسۋلت العان.
اسەت ماسابايەۆتىڭ الماتى اكىمدىگىندە جەتەكشى لاۋازىمداردا 10 جىلدان استام تاجىريبەسى بار. ول ەنەرگەتيكا جانە كوممۋنالدىق شارۋاشىلىق باسقارماسىنىڭ ءبولىم باسشىسى، اكىمنىڭ باس ينسپەكتورى، تابيعي رەسۋرستار جانە ەنەرگيا تيىمدىلىگى باسقارمالارىن باسقارعان.
تالدىقورعانعا تاعايىندالماس بۇرىن، ماسابايەۆ الماتى قالاسىنىڭ مەدەۋ اۋدانى اكىمى قىزمەتىن ءبىر جارىم جىل بويى اتقارعان.
