Prokýrorlar laýazymdy tulǵalarǵa qatysty qylmystyq isti tergep-tekserýdi aıaqtady, dep habarlaıdy Dalanews.kz.
Jetisý oblysynyń arnaıy prokýrorlary Taldyqorǵan qalasynyń turǵyn úı-kommýnaldyq sharýashylyq bóliminiń laýazymdy tulǵalaryna qatysty qylmystyq isti tergeýdi aıaqtady.
2020 jyldyń naýryz aıynda memlekettik satyp alýlar aıasynda turǵyn úı-kommýnaldyq sharýashylyq basqarmasy JSHS-men saıabaqty jóndeý boıynsha 1 mlrd 92 mln teńge kóleminde jumys júrgizý týraly kelisim-shartqa otyrǵan.
Alaıda, Qazaqstan Respýblıkasy Búdjet kodeksiniń 97-babynyń 6-tarmaǵynyń talaptaryna qaıshy, tapsyrys berýshi merdigerdiń paıdasyna tólemderdi júzege asyrý kezinde mindettemelerdiń tolyqtyǵyn qamtamasyz etpegen.
Sonyń saldarynan merdiger qurylys jumystaryn tolyq aıaqtamaı, memleketke keltirilgen shyǵyn kólemi 37 mln teńge.
Materıaldyq zalal memleketke tolyǵymen óteldi.
Qazirgi ýaqytta 3 adamǵa qatysty tergep-tekserý aıaqtalyp, qylmystyq is sotqa jiberildi.
