پروكۋرورلار لاۋازىمدى تۇلعالارعا قاتىستى قىلمىستىق ٸستٸ تەرگەپ-تەكسەرۋدٸ اياقتادى, دەپ حابارلايدى Dalanews.kz.
جەتٸسۋ وبلىسىنىڭ ارنايى پروكۋرورلارى تالدىقورعان قالاسىنىڭ تۇرعىن ٷي-كوممۋنالدىق شارۋاشىلىق بٶلٸمٸنٸڭ لاۋازىمدى تۇلعالارىنا قاتىستى قىلمىستىق ٸستٸ تەرگەۋدٸ اياقتادى.
2020 جىلدىڭ ناۋرىز ايىندا مەملەكەتتٸك ساتىپ الۋلار اياسىندا تۇرعىن ٷي-كوممۋنالدىق شارۋاشىلىق باسقارماسى جشس-مەن ساياباقتى جٶندەۋ بويىنشا 1 ملرد 92 ملن تەڭگە كٶلەمٸندە جۇمىس جٷرگٸزۋ تۋرالى كەلٸسٸم-شارتقا وتىرعان.
الايدا, قازاقستان رەسپۋبليكاسى بيۋدجەت كودەكسٸنٸڭ 97-بابىنىڭ 6-تارماعىنىڭ تالاپتارىنا قايشى, تاپسىرىس بەرۋشٸ مەردٸگەردٸڭ پايداسىنا تٶلەمدەردٸ جٷزەگە اسىرۋ كەزٸندە مٸندەتتەمەلەردٸڭ تولىقتىعىن قامتاماسىز ەتپەگەن.
سونىڭ سالدارىنان مەردٸگەر قۇرىلىس جۇمىستارىن تولىق اياقتاماي, مەملەكەتكە كەلتٸرٸلگەن شىعىن كٶلەمٸ 37 ملن تەڭگە.
ماتەريالدىق زالال مەملەكەتكە تولىعىمەن ٶتەلدٸ.
قازٸرگٸ ۋاقىتتا 3 ادامعا قاتىستى تەرگەپ-تەكسەرۋ اياقتالىپ, قىلمىستىق ٸس سوتقا جٸبەرٸلدٸ.
