Baıqaý «Erekshe bezendirý», «Qyzyqty reseptýra» jáne «Qala kúnine arnalǵan Chak-chak» degen úsh nomınasıa boıynsha ótti. Konkýrsqa barlyǵy 17 ótinim kelip túskenimen, onyń jeteýi ǵana irikteý týryna joldama aldy. Atalǵan is-sharaǵa qazaq, tatar, orys, ózbek, sheshen jáne ýkraın etnos ókilderi qatysty.
Kórkemónerlik ónerpazdyqtyń jarqyldaǵan kórkem nómirleri, tatar ulttyq as úıiniń aspazdyq taǵamdarynyń sheberleri, is-sharaǵa jınalǵandardyń merekelik kóńil-kúıleri jáne túrli ult ókilderiniń rýhanı birlikteriniń bir ekpindegi rýhtarynyń bıikke sharyqtaý sezimi – ol shyn máninde uly baqyt boldy desek artyq aıtqandyq bolmas.
Jetisýdaǵy tatar mádenı ortalyǵynyń ókilderi «Chak – Chak Baıram» merekesin birneshe jyldan beri toılap keledi.
Shyǵystyń eń súıikti táttisi, tatar ulttyq aspazdyq sheberi chak-chaktyń aıtyp jetkizýge bolmaıtyn ańqyǵan ıisi Egemendi Qazaqstan ataýyndaǵy bir shańyraq astynda beıbitshilik pen yntymaqta ómir súretin túrli ult ókilderine ekzotıkalyq gúlder men baldyń ıisin, Shyǵystyń bar kúshi men qudyretin sezinýge múmkindik berdi.
Baıqaýdyń qorytyndysy boıynsha bas júlde men «Rýna» JK-ten 50 000 teńge sertıfıkatty Iaýsheva Kaýsarıa jeńip alsa, birinshi oryn men 20 000 teńgeniń sertıfıkaty Samabekova Maralǵa buıyrdy.
Baıqaý sońynda qonaqtarǵa chak-chak pen basqa da tatar táttileri usynyldy.
