بايقاۋ «ەرەكشە بەزەندىرۋ»، «قىزىقتى رەسەپتۋرا» جانە «قالا كۇنىنە ارنالعان چاك-چاك» دەگەن ءۇش نوميناسيا بويىنشا ءوتتى. كونكۋرسقا بارلىعى 17 ءوتىنىم كەلىپ تۇسكەنىمەن، ونىڭ جەتەۋى عانا ىرىكتەۋ تۋرىنا جولداما الدى. اتالعان ءىس-شاراعا قازاق، تاتار، ورىس، وزبەك، شەشەن جانە ۋكراين ەتنوس وكىلدەرى قاتىستى.
كوركەمونەرلىك ونەرپازدىقتىڭ جارقىلداعان كوركەم نومىرلەرى، تاتار ۇلتتىق اس ءۇيىنىڭ اسپازدىق تاعامدارىنىڭ شەبەرلەرى، ءىس-شاراعا جينالعانداردىڭ مەرەكەلىك كوڭىل-كۇيلەرى جانە ءتۇرلى ۇلت وكىلدەرىنىڭ رۋحاني بىرلىكتەرىنىڭ ءبىر ەكپىندەگى رۋحتارىنىڭ بيىككە شارىقتاۋ سەزىمى – ول شىن مانىندە ۇلى باقىت بولدى دەسەك ارتىق ايتقاندىق بولماس.
جەتىسۋداعى تاتار مادەني ورتالىعىنىڭ وكىلدەرى «چاك – چاك بايرام» مەرەكەسىن بىرنەشە جىلدان بەرى تويلاپ كەلەدى.
شىعىستىڭ ەڭ سۇيىكتى ءتاتتىسى، تاتار ۇلتتىق اسپازدىق شەبەرى چاك-چاكتىڭ ايتىپ جەتكىزۋگە بولمايتىن اڭقىعان ءيىسى ەگەمەندى قازاقستان اتاۋىنداعى ءبىر شاڭىراق استىندا بەيبىتشىلىك پەن ىنتىماقتا ءومىر سۇرەتىن ءتۇرلى ۇلت وكىلدەرىنە ەكزوتيكالىق گۇلدەر مەن بالدىڭ ءيىسىن، شىعىستىڭ بار كۇشى مەن قۇدىرەتىن سەزىنۋگە مۇمكىندىك بەردى.
بايقاۋدىڭ قورىتىندىسى بويىنشا باس جۇلدە مەن «رۋنا» جك-تەن 50 000 تەڭگە سەرتيفيكاتتى ياۋشيەۆا كاۋساريا جەڭىپ السا، ءبىرىنشى ورىن مەن 20 000 تەڭگەنىڭ سەرتيفيكاتى سامابەكوۆا مارالعا بۇيىردى.
بايقاۋ سوڭىندا قوناقتارعا چاك-چاك پەن باسقا دا تاتار تاتتىلەرى ۇسىنىلدى.
