Dziýdodan el namysyn qorǵap júrgen Erjan Erenqaiypov (66 kg) halyqaralyq arenalardaǵy jarystardan ýaqytsha shettetildi, dep habarlaidy Dalanews.kz.
Sonymen qatar, onyń esimi Halyqaralyq dziýdo federatsiiasynyń (IJF) resmi reitinginen de alynyp tastalǵan.
Sportshy 2023 jyly Aziia kýbogynyń ashyq kezeńinde top jaryp, mansabyndaǵy mańyzdy jetistikteriniń birine qol jetkizgen bolatyn. Alaida odan keiin ótken halyqaralyq týrnirlerde qazaqstandyq balýan kútken nátijege jete almai, birqatar beldesýlerde jeńilis tapty.
Soǵan qaramastan, keiingi kezeńde onyń joly qaita ashylyp, Islam yntymaqtastyǵy oiyndarynda finalǵa deiin jetip, kúmis júldeni enshilegen edi.
Eske salaiyq, buǵan deiin Jánibek Álimhanuly 6 jeltoqsanda Kýba boksshysy Erislandi Laramen jekpe-jekke shyǵýy tiis edi. Alaida kezdesý bolmaityny resmi túrde habarlandy. Buǵan sebep: qazaqstandyq boksshynyń analizinen tyiym salynǵan preparat tabylǵan.
Keiinirek týrizm jáne sport vitse-ministri Serik Jarasbaev boksshy Jánibek Álimhanulyna qatysty doping daýyna pikir bildirdi.
