Kásipker Qanat Amirkin iri kópmilliondyq kelisimsharty bar jol-qurylys kompaniiasynyń reiderlik jolmen tartyp alyný tarihyn aityp berdi. Onyń aitýynsha,buǵan Nyǵmatýlinderdiń qatysy bar, dep habarlaidy Dalanews.kz.
«Kópshiligińiz Nyǵmatýlinder áýletin bilesizder. Osy otbasynyń úlken uly meniń iri kópmilliondyq kelisimsharty bar jol-qurylys kompaniiamdy tartyp aldy. Ol maǵan olardyń banki - Qazaq Banki-nen nesie alýǵa májbúr etti. Keiin bank bankrotqa ushyrap, meniń aqshamdy jáne kepilde turǵan múlkimdi, sonyń ishinde avtosalonǵa arnalǵan Úlken Almaty ainalma avtomobil jolyndaǵy jer telimin de birge ala ketti. Buǵan qosa, meni banktik kepildikpen bailanysty problema týyndatty», – dep jazdy Qanat Amirkin Facebook-tegi paraqshasynda.
Onyń aitýynsha, ol nesie rásimdegen, biraq bul oqiǵa munymen aiaqtalmaǵan. Odan qolma-qol aqsha talap etilgen. Kásipker otbasyna qaýip tóne bastaǵannan keiin Qazaqstannan ketýge májbúr bolǵan.
«Olar ózderi qashqyn bolǵan kezde, ol Dýbaida menimen kezdesip, «jaýlasýdy toqtatýdy» surady. Kezdesý barysynda men oǵan tek qolma-qol aqsha jáne kólikter túrinde shamamen 7–8 million dollar alǵanyn eske saldym. Ol: «Múmkin, tek jartysy ǵana maǵan jetken shyǵar, qalǵanyn kómekshilerim alǵan shyǵar», – dep jaýap berdi. Keiin salyq organdary meniń elden ketýge májbúr bolǵanǵa deiin jinalǵan kompaniianyń múlki úshin qaryzdardy talap etkende, men oǵan qońyraý shaldym. Bul shekten shyǵý ekenin aityp, salyqtardy ózderi tóleýin usyndym, óitkeni olar bárin tartyp aldy. Ol qysqa ǵana jaýap qatty: «Maǵan báribir, men endi Qazaqstan azamaty emespin. Óz problemalaryńdy óziń shesh» dedi. Mundai deńgeidegi tsinizm men jaýapsyzdyqqa qalai jol berýge bolady? Osyndai adamdar qalaisha bilikke keldi?» – deidi kásipker.
Keiin Amirkin Qazaqstanǵa oralǵan. Alaida 25 jeltoqsanda sot ony T239 million salyq jáne T7 million baj salyǵyn tóleýge mindettep qoiǵan.
Eske salaiyq,buǵan deiin qaraǵandylyq kásipker Aleksei Lýkianchenko Erlan Nyǵmatýlin reiderlik shabýyl jasap júrgenin aitqan bolatyn. Bul iske Nyǵmatýlinderdiń "torpedasy" Sábira Qoianbaevanyń da qatysy bar bolyp shyqty.
"Barlyq jerde aita bastadym (shabýyldar týraly), jýrnalisterge, qoǵamǵa úndeý jasadym, biraz ýaqyt ótkennen keiin jigitter kelip, menimen bireý sóileskisi keletinin aitty. Sosyn maǵan Erlan Zairýllauly qońyraý shalyp "Sen osyndai da osyndaisyń ba?" dedi. Men "iá" dedim. Erlan Nyǵmatýlin meniń jeke nómirime habarlasyp, ózine shaqyrdy. Men endi ǵana damyp kele jatqan kásipker ekenimdi jáne ol shaqyrǵan jerge bara almaitynymdy aityp edim, "jaqsy, saǵan kólik jiberemin, kel" dedi. Maǵan bir jigit keldi, men ony tanitynmyn, meni keńsesine apardy. Ol jerde jarty kún kútip, aqyry kezdestim. Ol maǵan "Seniń jaǵdaiyńdy bilemin, meniń túk qatysym joq, oǵan esh qatysym joq, osyny joqqa shyǵaryp, video túsir", - dedi", - deidi kásipker "QazTag" agenttigine.
Kásipker sol sátte Erlan Nyǵmatýlinniń bul ideiasynan bas tartýdan qoryqqanyn aitady.
"Iaǵni solai aityldy, men bul ideiadan bas tarta almadym. Tipti bizdiń qalada buǵan deiin bir jigitti qamaýǵa alyp, qazir qylmystyq is qozǵalǵan jaǵdai bolǵan. Men de óz ómirime qoryqtym, mundai adamdar bárin isteidi ǵoi, olardyń jan-jaqta tanysy kóp. Sosyn óz adamy kelip, meni videoǵa túsirip aldy. Denis degen jigit, tegi esimde joq. Balqashtaǵy "Atamekendi" basqarady. Ol Erlan Nyǵmatýlinniń adamy eken", - deidi kásipker Aleksei Lýkianchenko.
Kásipker qonaqúiin 2015 jyly sala bastaǵan, sodan beri inspekter Sábira Qoianbaeva nysandy tekserip júrgen kórinedi. Problemalar qonaqúi jumys istei bastaǵannan keiin ǵana bastalǵan. Kásipkerdiń sózinshe, Qoianbaeva da - Nyǵmatýlinniń adamy.
Sonymen qatar, Nyǵmatýlinniiń adamdary kásipkerden prokýratýra nemese basqa da instantsiialarǵa júgingen ne júginbegenin únemi surap turǵan. Sottyń ózi bul isti birjaqty qarastyrǵan kórinedi. Bul istiń anyq-qanyǵyn anyqtaýǵa tyrysqan jalǵyz organ – bas prokýratýra eken. Biraq kásipker bul iske eks sýdia Meirambek Taimerdenov aralasqandyqtan iste jeńilgen dep oilaidy. Sebebi kásipker bul iske bas prokýratýranyń ózi aralasa bastaǵandyqtan iste jeńiske jetemin dep oilaǵan.
Aleksei Lýkianchenko 2015 jyly salǵan qonaqúi qurylysyna sol kezdegi kýrs boiynsha 150 million teńgedei jumsaǵan. Kásipker bastapqyda qurylysty bastaǵan kezde keiin ony tartyp alý úshin oǵan ádeii eshkim kedergi jasamaǵan dep kúdiktenip otyr.
"Eger qurylys kezinde qandai da bir buzýshylyqtar bolsa Sabira Qoianbaeva memlekettik organ retinde basynda-aq kedergi jasar edi. Áýeli ol jerge aqsha quiyp, kásipti aiaqqa turǵyzyp, artynan jumys isteýge kedergi jasap otyr. Bul reiderlik shabýyl jasaityn komandanyń áreketi dep oilaimyn. (...) Ol Erlan Zairýllaulynyń komandasy dep oilaimyn, sebebi onyń ruqsatynsyz Balqashta eshkim eshteńe istei almaidy", - deidi kásipker.
Aleksei Lýkianchenko reiderlik shabýyl isi boiynsha qylmystyq is qozǵalýy keregin aitady. Sonymen qatar, kásipkerdiń sózinshe, Qaraǵandy oblysynda Nyǵmatýlinderdiń yqpaly áli de zor. Ol Nyǵmatýlinder aimaqtaǵy týristik salany óz qolyna alǵysy keletinin aitady.
