Shymkent qalasynyń Ádilet departamenti Politsiia departamenti jáne Ekonomikalyq tergeý departamentimen birlesip, zańsyz ónim shyǵaratyn astyrtyn tsehtyń qyzmetin toqtatty, dep habarlaidy dalanews.kz.
Zańsyz óndiriste «Alina Group» kompaniiasyna tiesili «Alinex Glad» brendimen qurǵaq qurylys qospalary, sondai-aq «Qaisar» jáne «Krepost» kafel jelimderi daiyndalǵan.
Tekserý sharalary barysynda qyzmetkerler atalǵan taýar belgileri zańsyz basylǵan 860-tan astam qap kontrafaktilik ónimdi tárkiledi.
Búgingi tańda jinalǵan materialdar kináli tulǵalardy Qazaqstan Respýblikasynyń Ákimshilik quqyq buzýshylyq týraly kodeksiniń 158-baby («Bóten taýar belgisin, qyzmet kórsetý belgisin, taýar shyǵarylǵan jerdiń ataýyn nemese firmalyq ataýdy zańsyz paidalaný») boiynsha jaýapkershilikke tartý úshin sotqa jiberildi.
Óńirde kontrafaktilik ónimniń zańsyz ainalymyna qarsy baǵyttalǵan jumystar aldaǵy ýaqytta da júieli túrde jalǵasady.
