Shymkentte TikTok áleýmettik jelisinde tikelei efir barysynda beiádep sózder aityp, qoǵamdyq tártipti buzǵan azamat ákimshilik jaýapkershilikke tartyldy, dep habarlaidy dalanews.kz.
Shymkent qalalyq politsiia departamentiniń málimetinshe, áleýmettik jelilerde quqyqqa qaishy kontenttiń taralýyna jol bermeý maqsatynda turaqty monitoring júrgiziledi. Kezekti tekserý barysynda 39 jastaǵy qala turǵyny Qýanyshbek Ýmarbekovtiń TikTok-taǵy tikelei efir kezinde balaǵat sózder aityp, qoǵamdyq tártipti buzǵany anyqtalǵan.
Jinalǵan materialdar sotqa joldanyp, quqyq buzýshy ákimshilik jaýapkershilikke tartyldy. Sot sheshimimen er adam 10 táýlik merzimge ákimshilik qamaýǵa alyndy.
Quqyq qorǵaý organdary áleýmettik jelilerdegi tikelei efirler men jariialanymdar qoldanystaǵy zań talaptaryna sai bolýy kerektigin eskertti.
Politsiianyń málimdeýinshe, laik pen qaralym jinaý maqsatynda qoǵamdyq tártipti buzý, ádepsiz áreketter jasaý nemese zańǵa qaishy kontent taratý ákimshilik jáne ózge de jaýapkershilikke ákep soǵýy múmkin.
