Tsifrlyq damý, innovatsiialar jáne aeroǵarysh ónerkásibi Birinshi vitse-ministri Qanysh Tóleýshin Túrkistan oblysyna jumys sapary aiasynda halyqpen kezdesý ótkizip, azamattardy qabyldady, dep habarlaidy Dalanews.kz.
Sharaǵa Ministrliktiń Memlekettik qyzmetter komiteti men Telekommýnikatsiialar komitetiniń basshylyǵy, uialy bailanys operatorlary, «Azamattarǵa arnalǵan úkimet» KEAQ jáne oblys ákimdiginiń ókilderi qatysty.
Birinshi vitse-ministr óz sózinde elimizdegi jáne oblystaǵy IT salasynyń damýy, Túrkistanda «Smart city» engizý barysy týraly aitty.
«Ótken jyly biz ákimdikpen birlese otyryp, óńirde IT salasyn tanymal etýge, adami kapitaldy damytýǵa, jańa daǵdylardy oqytýǵa jáne mamandandyrylǵan is-sharalardy ótkizýge yqpal etetin Túrkistan habyn ashtyq. Búginde el boiynsha 14 aimaqtyq hab ashyldy. Óńirde qazaqstandyqtardy IT mamandyqtary boiynsha oqytýǵa arnalǵan TechOrda baǵdarlamasyna qatysatyn bir IT mektep akkredittelgen», - dedi Qanysh Tóleýshin.
Túrkistan qalasynda «Smart city» jobasyn júzege asyrý aiasynda 188 avtobýsqa «Alem Pay» tólem júiesi ornatyldy. Ótken jyly bilettiń 44 paiyzy qolma-qol aqshasyz satylǵan. 35 mektepte kirýdi basqarý júiesi men SOS túimeleri qamtamasyz etildi. Jalpy qalada 456 beinebaqylaý kamerasy bar jáne 20 mekteptegi kameralar politsiianyń basqarý ortalyǵyna qosylǵan. 50 turǵyn úi kesheni kommýnaldyq jylý men sý eseptegishterimen jabdyqtalǵan, 120 smart sham ornatylǵan. 109 bailanys ortalyǵy paidalanýǵa berilip, ashylǵannan beri 37 508 qońyraý túsken.
Búginde halyqqa kórsetiletin memlekettik qyzmetterdiń 92 paiyzy elektrondy túrde berilip jatyr. 50-den astam qyzmetti tek Egov arqyly ǵana emes, jii qoldanylatyn banktik qosymshalarda da alýǵa bolady. Oblystyń infraqurylymy 20 halyqqa qyzmet kórsetý ortalyǵynan, 52 bek-ofisterden, 120 Connection Point-ten jáne 2 arnaiy halyqqa qyzmet kórsetý ortalyǵynan turady.
«Tsifrlyq Notariat» iske qosylǵan 2023 jyldan beri Túrkistan oblysynda onlain rejimde 652 myń senimhat berilgen. Kólikterdi tirkeý qyzmeti 127 myń ret paidalanyldy.
Túrkistan oblysynyń turǵyndaryn tolǵandyratyn máselelerdiń biri – sapaly bailanys pen internetke qol jetkizý. Oblysta 829 eldi meken (EM) bar. Onyń ishinde 2G (100 aýyl), 3G (386 aýyl), 4G (304 aýyl) mobildi tehnologiialary arqyly internetpen qamtamasyz etilgen. 203 EM ADSL tehnologiiasy boiynsha tirkelgen internetpen jáne 416 talshyqty-optikalyq tehnologiia arqyly qamtamasyz etilgen.
Sondai-aq, 9 aýyldyq eldi meken (AEM) KazSat spýtniktik júiesi arqyly internet jelisine qosylsa, oblystaǵy 329 mektep (330 mekteptiń ishinde) Starlink spýtniktik júiesine qosylǵan.
Jyl basynan beri respýblika boiynsha bailanys operatorlaryna 115 jospardan tys tekserý júrgizilip, 584 mln teńge aiyppul salyndy (292 mln teńge jeńildikti esepke alǵanda biýdjetke tólendi). Onyń ishinde Túrkistan oblysynda 13 maýsymdaǵy jaǵdai boiynsha 15 jospardan tys tekserý júrgizilip, 30,5 mln teńge aiyppul salyndy (15 mln teńge jeńildikti esepke alǵanda biýdjetke tólendi).
Ministrlik Túrkistan oblysynyń ákimdigimen jáne uialy bailanys operatorlarymen birlese otyryp, 2023-2027 jyldarǵa arnalǵan bailanys jáne mobildi internet sapasyn arttyrý jónindegi Jol kartasyn ázirlep, oǵan qol qoidy.
Bul qujatta barlyq problemalyq máseleler men olardy sheshý joldary qamtylǵan. Karta sheńberinde oblystaǵy litsenziialyq mindettemelerge kirmegen 104 EM-ge internetke mobildi keń jolaqty qoljetimdiligin qamtamasyz etý jáne 388 EM-ge internetke keń jolaqty qoljetimdilikti qamtamasyz etý josparlanýda. 101 antennalyq dińgek qurylymdaryn salý, 113 AEM-de bazalyq stantsiialardy ornatý jáne 70 AEM-de bazalyq stantsiialardy jańǵyrtý kózdelgen.
Kezdesý barysynda TsDIAÓM ókilderi Túrkistan oblysy turǵyndarynyń uialy bailanys, internet, jasandy intellekt, oblystyń eldi mekenderindegi uialy bailanys máseleleri boiynsha suraqtaryna jaýap berdi.
