Qyrǵyzstanda qyzben súıisý kezinde tili men erninen aıyrylǵan jigitke qatysty jańa derekter paıda boldy, dep habarlaıdy Dalanews.kz

Bul jaǵdaıdy áleýmettik jelide belsendi Bekbolat Qarjan óziniń Facebook paraqshasynda túsindirip ótken. Onyń aıtýynsha, oqıǵa basynda aıtylǵandaı, romantıkalyq qarym-qatynasta emes, múlde basqa jaǵdaıda bolǵan.

Jańa derekke súıensek, 18 jastaǵy qyz álgi jigittiń súıiktisi bolmaǵan. Toıda ishimdikke mas bolyp qalǵan jigit qyzǵa ózi qaıta-qaıta tıise bergen, qushaqtap, eriksiz súımek bolǵan. Jigittiń bul áreketine ashýlanǵan boıjetken ózin qorǵaý maqsatynda onyń tilin de, erniniń bir bóligin de tistep julyp alǵan sıaqty.

Post avtory qyzdyń áreketin ózin qorǵaý dep baǵalap, "durys istepti" dep pikir qaldyrǵan. Al jigittiń jaqyndary qazir qyzdyń ata-anasynan keshirim surap júrgen kórinedi.

Jeli qoldanýshylary oqıǵanyń bulaı órbigenine tańdanys bildirip, endi jigittiń mundaı qylyqtan sabaq alatyny sózsiz degen pikir aıtýda.