قىرعىزستاندا قىزبەن ءسۇيىسۋ كەزىندە ءتىلى مەن ەرنىنەن ايىرىلعان جىگىتكە قاتىستى جاڭا دەرەكتەر پايدا بولدى، دەپ حابارلايدى Dalanews.kz

بۇل جاعدايدى الەۋمەتتىك جەلىدە بەلسەندى بەكبولات قارجان ءوزىنىڭ Facebook پاراقشاسىندا ءتۇسىندىرىپ وتكەن. ونىڭ ايتۋىنشا، وقيعا باسىندا ايتىلعانداي، رومانتيكالىق قارىم-قاتىناستا ەمەس، مۇلدە باسقا جاعدايدا بولعان.

جاڭا دەرەككە سۇيەنسەك، 18 جاستاعى قىز الگى جىگىتتىڭ سۇيىكتىسى بولماعان. تويدا ىشىمدىككە ماس بولىپ قالعان جىگىت قىزعا ءوزى قايتا-قايتا تيىسە بەرگەن، قۇشاقتاپ، ەرىكسىز سۇيمەك بولعان. جىگىتتىڭ بۇل ارەكەتىنە اشۋلانعان بويجەتكەن ءوزىن قورعاۋ ماقساتىندا ونىڭ ءتىلىن دە، ەرنىنىڭ ءبىر بولىگىن دە تىستەپ جۇلىپ العان سياقتى.

پوست اۆتورى قىزدىڭ ارەكەتىن ءوزىن قورعاۋ دەپ باعالاپ، "دۇرىس ىستەپتى" دەپ پىكىر قالدىرعان. ال جىگىتتىڭ جاقىندارى ءقازىر قىزدىڭ اتا-اناسىنان كەشىرىم سۇراپ جۇرگەن كورىنەدى.

جەلى قولدانۋشىلارى وقيعانىڭ بۇلاي وربىگەنىنە تاڭدانىس ءبىلدىرىپ، ەندى جىگىتتىڭ مۇنداي قىلىقتان ساباق الاتىنى ءسوزسىز دەگەن پىكىر ايتۋدا.