Shri-Lanka aýrýhanasynda 16 jastaǵy Qazaqstan azamaty qaza tapty, dep habarlaidy Dalanews.kz.
Syrtqy ister ministrliginiń resmi ókili Aibek Smadiiarovtyń málimetinshe, marqumnyń denesin elge ákelý úshin áýe kompaniiasymen kelissóz júrip jatyr.
«10 naýryzda bizdiń Úndistandaǵy elshiligimizge Qazaqstan azamattary habarlasty. Olar kámeletke tolmaǵan 16 jastaǵy uly Shri-Lankanyń bir aýrýhanasynda jatqanyn málimdedi. Osy derekti teksergennen keiin 5 naýryz kúni jasóspirim serfingpen ainalysyp júrip, sýǵa batyp ketkeni anyqtaldy. Ol jansaqtaý bóliminde 10 naýryzǵa deiin - 5 kún boiy jatqan. Sol 5 kúnniń ishinde, árine, dárigerler qolynan kelgenniń bárin jasady. Ókinishke qarai, jasóspirim qaitys boldy», - dedi ol.
Aibek Smadiiarov qazirgi tańda Qazaqstan konsýly balanyń áke-sheshesimen bailanysta ekenin jetkizdi. Barlyq qujattar rásimdelip jatqan kórinedi.
"Sonymen qatar deneni Qazaqstanǵa jetkizý úshin arnaiy áýe kompaniiasymen kelissózder júrgizýdemiz. Balanyń sheshesi qazaq, ákesi sheteldik azamat. Marqum – Qazaqstannyń azamaty. Keiingi birneshe jylda áke-sheshesimen birge Shri-Lankada turyp kelgen», - dedi SIM resmi ókili.
