شري-لانكا اۋرۋحاناسىندا 16 جاستاعى قازاقستان ازاماتى قازا تاپتى, دەپ حابارلايدى Dalanews.kz.
سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆتىڭ مەلٸمەتٸنشە, مارقۇمنىڭ دەنەسٸن ەلگە ەكەلۋ ٷشٸن ەۋە كومپانيياسىمەن كەلٸسسٶز جٷرٸپ جاتىر.
«10 ناۋرىزدا بٸزدٸڭ ٷندٸستانداعى ەلشٸلٸگٸمٸزگە قازاقستان ازاماتتارى حابارلاستى. ولار كەمەلەتكە تولماعان 16 جاستاعى ۇلى شري-لانكانىڭ بٸر اۋرۋحاناسىندا جاتقانىن مەلٸمدەدٸ. وسى دەرەكتٸ تەكسەرگەننەن كەيٸن 5 ناۋرىز كٷنٸ جاسٶسپٸرٸم سەرفينگپەن اينالىسىپ جٷرٸپ, سۋعا باتىپ كەتكەنٸ انىقتالدى. ول جانساقتاۋ بٶلٸمٸندە 10 ناۋرىزعا دەيٸن - 5 كٷن بويى جاتقان. سول 5 كٷننٸڭ ٸشٸندە, ەرينە, دەرٸگەرلەر قولىنان كەلگەننٸڭ بەرٸن جاسادى. ٶكٸنٸشكە قاراي, جاسٶسپٸرٸم قايتىس بولدى», - دەدٸ ول.
ايبەك سماديياروۆ قازٸرگٸ تاڭدا قازاقستان كونسۋلى بالانىڭ ەكە-شەشەسٸمەن بايلانىستا ەكەنٸن جەتكٸزدٸ. بارلىق قۇجاتتار رەسٸمدەلٸپ جاتقان كٶرٸنەدٸ.
"سونىمەن قاتار دەنەنٸ قازاقستانعا جەتكٸزۋ ٷشٸن ارنايى ەۋە كومپانيياسىمەن كەلٸسسٶزدەر جٷرگٸزۋدەمٸز. بالانىڭ شەشەسٸ قازاق, ەكەسٸ شەتەلدٸك ازامات. مارقۇم – قازاقستاننىڭ ازاماتى. كەيٸنگٸ بٸرنەشە جىلدا ەكە-شەشەسٸمەن بٸرگە شري-لانكادا تۇرىپ كەلگەن», - دەدٸ سٸم رەسمي ٶكٸلٸ.
