QMA Túrkistan oblysy boiynsha departamenti memlekettik sýbsidiialardy jymqyrdy degen kúdikke ilingen qylmystyq topqa qatysty tergeýdi aiaqtady, dep habarlaidy dalanews.kz.
Tergeý nusqasyna sáikes zańsyz shemany iske asyrý úshin úshinshi tulǵalardyń atyna resmi túrde tirkelgen 4 jeke kásipkerlik, "Nur-Keles" JShS jáne "Bimen S." JShS paidalanylǵan. Bul kásipkerlik nysandaryn kúdiktiler ózderine berilgen elektron tsifrlyq qoltańbalar, mórler jáne bank shottaryn basqarýǵa quqyq beretin notarialdy senimhattar arqyly baqylaýda ustaǵan.
Kásipkerlik nysandar arqyly aqparattyq júielerge mal satyp alý, olar qolda bary, sondai-aq, mal tuqymyn asyldandyrý jumystary júrgizilgeni týraly kórineý jalǵan málimet engizilgen. Keiin osy málimet negizinde sýbsidiia alýǵa elektron ótinish berilgen. Biýdjetten alynǵan qarajat qolma-qol aqshaǵa ainaldyrylyp, shemaǵa qatysýshylar arasynda bólingen jáne jeke maqsatqa jumsalǵan.
Keltirilgen zalaldyń jalpy kólemi - 103 mln teńge. Sonyń saldarynan biýdjet qarajaty maqsatsyz jumsalǵan.
Sot sanktsiiasymen kúdiktilerdiń múlkine tyiym salyndy. Olardyń qatarynda 2 turǵyn úi, 4 kólik, avtoturaq orny jáne jer telimi bar. Kúdiktilerdiń biri qamaýǵa alyndy, ekinshisine kepil túrindegi bultartpaý sharasy qoldanyldy.
