Túrkistan oblysynda 50 myń gektarǵa sý únemdeý tehnologiialary engizilip, osy baǵytta 3 óndiris orny ashylatynyn búgin Ortalyq kommýnikatsiialar qyzmetiniń alańynda oblystyń áleýmettik-ekonomikalyq damýy týraly esep berý barysynda Túrkistan oblysynyń ákimi Darhan Satybaldy málimdedi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Bizdiń óńirdiń basty erekshiligi – halyqtyń 80 paiyzy aýyldarda turady. Sondyqtan da aýyl sharýashylyǵy – óńirdiń mańyzdy salasy. Biz aýyl sharýashylyǵyn ártaraptandyrý, sý únemdeý tehnologiialaryn engizý, mal men ósimdik ónimin tereń óńdeý baǵytynda jumys júrgizýdemiz.
Ózderińizge belgili, elimizde jyl saiyn aǵyn sý tapshylyǵy baiqalady. Túrkistan oblysyna qajetti sýdyń 70 paiyzy kórshi memleketten keledi. Sondyqtan aýyl sharýashylyǵynda zamanaýi sý únemdeý tehnologiiasyn endirip, jańa daqyldar men sorttardy ósirýge basymdyq beremiz.
Túrkistan oblysynda aýyl sharýashylyǵynda ónim kólemi 958 mlrd. teńgeni qurap, ósim 105,8 paiyzǵa jetti. Aýyl sharýashylyǵy ónim kólemi boiynsha oblys respýblikada jetekshi orynda tur. Bul baǵytta naryqty otandyq ónimdermen qamtamasyz etý maqsatynda 2024-2027 jyldarǵa jalpy 507 mlrd teńge bolatyn 105 jobany iske asyrý josparlanǵan. Osy arqyly 8 myńnan astam (8 346) jumys orny qalyptaspaq.
