تٷركٸستان وبلىسىندا 50 مىڭ گەكتارعا سۋ ٷنەمدەۋ تەحنولوگييالارى ەنگٸزٸلٸپ, وسى باعىتتا 3 ٶندٸرٸس ورنى اشىلاتىنىن بٷگٸن ورتالىق كوممۋنيكاتسييالار قىزمەتٸنٸڭ الاڭىندا وبلىستىڭ ەلەۋمەتتٸك-ەكونوميكالىق دامۋى تۋرالى ەسەپ بەرۋ بارىسىندا تٷركٸستان وبلىسىنىڭ ەكٸمٸ دارحان ساتىبالدى مەلٸمدەدٸ, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
– بٸزدٸڭ ٶڭٸردٸڭ باستى ەرەكشٸلٸگٸ – حالىقتىڭ 80 پايىزى اۋىلداردا تۇرادى. سوندىقتان دا اۋىل شارۋاشىلىعى – ٶڭٸردٸڭ ماڭىزدى سالاسى. بٸز اۋىل شارۋاشىلىعىن ەرتاراپتاندىرۋ, سۋ ٷنەمدەۋ تەحنولوگييالارىن ەنگٸزۋ, مال مەن ٶسٸمدٸك ٶنٸمٸن تەرەڭ ٶڭدەۋ باعىتىندا جۇمىس جٷرگٸزۋدەمٸز.
ٶزدەرٸڭٸزگە بەلگٸلٸ, ەلٸمٸزدە جىل سايىن اعىن سۋ تاپشىلىعى بايقالادى. تٷركٸستان وبلىسىنا قاجەتتٸ سۋدىڭ 70 پايىزى كٶرشٸ مەملەكەتتەن كەلەدٸ. سوندىقتان اۋىل شارۋاشىلىعىندا زاماناۋي سۋ ٷنەمدەۋ تەحنولوگيياسىن ەندٸرٸپ, جاڭا داقىلدار مەن سورتتاردى ٶسٸرۋگە باسىمدىق بەرەمٸز.
تٷركٸستان وبلىسىندا اۋىل شارۋاشىلىعىندا ٶنٸم كٶلەمٸ 958 ملرد. تەڭگەنٸ قۇراپ, ٶسٸم 105,8 پايىزعا جەتتٸ. اۋىل شارۋاشىلىعى ٶنٸم كٶلەمٸ بويىنشا وبلىس رەسپۋبليكادا جەتەكشٸ ورىندا تۇر. بۇل باعىتتا نارىقتى وتاندىق ٶنٸمدەرمەن قامتاماسىز ەتۋ ماقساتىندا 2024-2027 جىلدارعا جالپى 507 ملرد تەڭگە بولاتىن 105 جوبانى ٸسكە اسىرۋ جوسپارلانعان. وسى ارقىلى 8 مىڭنان استام (8 346) جۇمىس ورنى قالىپتاسپاق.
