«Qazsýshar» RMK ókilderi Túrkistan oblysy Shardara jáne Jetisai aýdandarynyń sharýagerlermen kezdesti. Jiynda biylǵy jyldyń basty ózgerisi, iaǵni, sýarmaly sý tarifiniń ne sebepti óskeni týraly aityldy.
Mekeme ókilderiniń sózinshe, burynǵy tarif Sý sharýashylyǵy, gidromelioratsiialyq júielerdi paidalaný jáne olarǵa tehnikalyq qyzmet kórsetý, sondai-aq negizgi qaryz qarajatyn qaitarý men olar boiynsha syiaqyny qalypty rejimde júzege asyrýǵa múmkindik bermegen. Budan bólek, jalaqynyń az bolýynan bilikti kadrlardy saqtap qala almaýǵa yqpal etken. Sol sebepten, burynǵy tarif eki jyldyń ishinde Qazsýshar mekemesiniń jalpy shyǵyny 4 mlrd teńgege alyp keldi.
– Kadrlardy saqtaý jáne obektilerdi tiimdi paidalanyp, qajetti operatsiialyq shyǵyndardy tolyq kólemde qosý úshin, «Qazsýshar» qyzmetkerleri arasynda áleýmettik shielenisti tómendetý maqsatynda ádil tarifti bekitýge májbúr boldyq. Munda 2021 jyldyń 1 mamyrynan bastap ádil ortasha tarif – 66 tiyn/m3 (QQS-syz) bekitildi, – dep atap ótti «Qazsýshar» RMK ókili Aslan Jeńisov.
Jiynǵa qatysqan sharýagerlerdiń basym kópshiligi tariftiń óskenin qoldady. «Perdebai i K» fermerlik qojalyqtyń tóraǵasy Qablan Jumabekovtyń aitýynsha, sýarmaly sý tarifiniń ósýi sharýagerler úshin asa mańyzdy.
– Tarif qunyn kóterilýin durys dep esepteimin. Munyń barlyǵy Sý sharýashylyǵynda sýdy jetkizip berýdegi shyǵyndaryn jappaiynsha bolyp jatyr. Sol sebepten qunyn ósirý arqyly, biraz túiitkildi máselelerdi sheshýge yqpal etedi. Máselen, sý sharýashylyǵyna sapaly kadrlardy tartýmen qatar, tozyǵy jetken sý júielerin qalypqa keltirýge múmkindik bar. Bul óz kezeginde sharýagerler úshin asa mańyzdy. Bizdiń aýdannyń barlyq sharýagerleri bul bastamany qoldaidy dep senimdimin, – dedi Qablan Jumabekov.
Aita keteiik, Qazaqstanda 1 mamyrdan bastap kanaldar arqyly sý berýdiń jańa tarifteri bekitildi. Qazir fermerler 1 tekshe metr sý úshin 66 tiyn tóleidi.
