«قازسۋشار» رمك وكىلدەرى تۇركىستان وبلىسى شاردارا جانە جەتىساي اۋداندارىنىڭ شارۋاگەرلەرمەن كەزدەستى. جيىندا بيىلعى جىلدىڭ باستى وزگەرىسى، ياعني، سۋارمالى سۋ ءتاريفىنىڭ نە سەبەپتى وسكەنى تۋرالى ايتىلدى.
مەكەمە وكىلدەرىنىڭ سوزىنشە، بۇرىنعى تاريف سۋ شارۋاشىلىعى، گيدرومەليوراسيالىق جۇيەلەردى پايدالانۋ جانە ولارعا تەحنيكالىق قىزمەت كورسەتۋ، سونداي-اق نەگىزگى قارىز قاراجاتىن قايتارۋ مەن ولار بويىنشا سىياقىنى قالىپتى رەجيمدە جۇزەگە اسىرۋعا مۇمكىندىك بەرمەگەن. بۇدان بولەك، جالاقىنىڭ از بولۋىنان بىلىكتى كادرلاردى ساقتاپ قالا الماۋعا ىقپال ەتكەن. سول سەبەپتەن، بۇرىنعى تاريف ەكى جىلدىڭ ىشىندە قازسۋشار مەكەمەسىنىڭ جالپى شىعىنى 4 ملرد تەڭگەگە الىپ كەلدى.
– كادرلاردى ساقتاۋ جانە وبەكتىلەردى ءتيىمدى پايدالانىپ، قاجەتتى وپەراسيالىق شىعىنداردى تولىق كولەمدە قوسۋ ءۇشىن، «قازسۋشار» قىزمەتكەرلەرى اراسىندا الەۋمەتتىك شيەلەنىستى تومەندەتۋ ماقساتىندا ءادىل ءتاريفتى بەكىتۋگە ءماجبۇر بولدىق. مۇندا 2021 جىلدىڭ 1 مامىرىنان باستاپ ءادىل ورتاشا تاريف – 66 تيىن/م3 (ققس-سىز) بەكىتىلدى، – دەپ اتاپ ءوتتى «قازسۋشار» رمك وكىلى اسلان جەڭىسوۆ.
جيىنعا قاتىسقان شارۋاگەرلەردىڭ باسىم كوپشىلىگى ءتاريفتىڭ وسكەنىن قولدادى. «پەردەباي ي ك» فەرمەرلىك قوجالىقتىڭ ءتوراعاسى قابلان جۇمابەكوۆتىڭ ايتۋىنشا، سۋارمالى سۋ ءتاريفىنىڭ ءوسۋى شارۋاگەرلەر ءۇشىن اسا ماڭىزدى.
– تاريف قۇنىن كوتەرىلۋىن دۇرىس دەپ ەسەپتەيمىن. مۇنىڭ بارلىعى سۋ شارۋاشىلىعىندا سۋدى جەتكىزىپ بەرۋدەگى شىعىندارىن جاپپايىنشا بولىپ جاتىر. سول سەبەپتەن قۇنىن ءوسىرۋ ارقىلى، ءبىراز تۇيىتكىلدى ماسەلەلەردى شەشۋگە ىقپال ەتەدى. ماسەلەن، سۋ شارۋاشىلىعىنا ساپالى كادرلاردى تارتۋمەن قاتار، توزىعى جەتكەن سۋ جۇيەلەرىن قالىپقا كەلتىرۋگە مۇمكىندىك بار. بۇل ءوز كەزەگىندە شارۋاگەرلەر ءۇشىن اسا ماڭىزدى. ءبىزدىڭ اۋداننىڭ بارلىق شارۋاگەرلەرى بۇل باستامانى قولدايدى دەپ سەنىمدىمىن، – دەدى قابلان جۇمابەكوۆ.
ايتا كەتەيىك، قازاقستاندا 1 مامىردان باستاپ كانالدار ارقىلى سۋ بەرۋدىڭ جاڭا تاريفتەرى بەكىتىلدى. ءقازىر فەرمەرلەر 1 تەكشە مەتر سۋ ءۇشىن 66 تيىن تولەيدى.
