Qazaqstannyń ońtústiginde stomatologıa salasynda júzdegen mıllıon teńgege qatysty qarjy jymqyrý faktileri anyqtaldy, dep habarlaıdy Dalanews.kz.
Túrkistan oblysy prokýratýrasy júrgizgen tekseris barysynda memlekettik jáne jekemenshik klınıkalarda óreskel zańbuzýshylyqtar áshkerelendi.
Anyqtalǵan derekterge sáıkes:
- Bir jekemenshik klınıka tıisti lısenzıasyz-aq 28 myńnan astam medısınalyq keńes “kórsetken”. Qujat júzinde oftalmologtan bastap onkologqa deıingi qyzmetter rásimdelgen. Osylaısha mekeme zańsyz túrde 91 mln teńge alǵan.
- Ózara baılanysty eki klınıka júkti áıelder men balalarǵa kórsetildi dep 40 myń jalǵan stomatologıalyq qyzmetti tirkep, 203 mln teńgeni negizsiz ıemdengen. Tergeý málimetinshe, bir stomatolog bir mezette birneshe jerde ondaǵan naýqasty “qabyldaǵan” bolyp kórsetilgen.
Atalǵan faktiler boıynsha alaıaqtyq belgilerimen is materıaldary sotqa joldandy.
