"Jyraqtaǵy Qazaqstan aktiviniń buǵattalýy zańsyz, sondyqtan odan kelgen ziiandy óteý úshin qoldan kelgenniń bárin jasaimyz"
delingen QR Ádilet ministrliginiń baspasóz qyzmeti taratqan habarlamada.
«Aryzdanýshylarǵa áli bir tiyn ustatqan joqpyz. Sheteldegi sotta Qazaqstan Respýblikasynyń múddesin qorǵaý úshin eń myqty zańgerlerdi jaldadyq. Shetelde buǵattalǵan Qazaqstan Respýblikasyna tiesili aqshaǵa qatysty isti Ádilet ministrligi basty nazarda ustap otyr. Qalai degenmen de elimiz úshin qaýip arbitrajdy sot sheshiminiń somasymen shektelýde», — delinedi resmi habarlamada.
Ministrlik bul is boiynsha aryzdanýshy —
Anatolii Statidiń osyndai utymdy ári agressivti amaldy ádeii tańdap alǵanyn aitady. Óitkeni ol ulttyq qor aqshasynyń buǵattalýy el ishinde de, sol sekildi syrtta da úlken aiqai-shý týǵyzatynyn jaqsy bilgen.
«Sheteldik baspasózde jariia bop jatqan bul iske qatysty aqparattar — agressivti nasihattyń kózi. Ol obektivti aqparatqa jatpaidy», — delinedi ministrlik taratqan málimette.
Sóz sońynda Ádilet ministrligi ulttyq qor aqshasynyń buǵattalýy ýaqytsha shara ekenine sendire otyryp, budan bólek qosymsha aqparattardy bere almaityndaryn ókinishpen jetkizipti.
"Sebebi qosymsha málimetter sotta maǵynasy maiysyp elimizge qarsy paidalanylyp ketýi múmkin. Sondyqtan ministrlik bul iske qatysty egjei-tegjeili eshqandai aqpar bere almaidy. Bul arada bárinen durysy — "Áliptiń artyn baǵý", — depti quzyrly organ.
Aita ketelik, 2018 jyldyń qańtar aiynyń basynda Amsterdam soty moldovan kásipkeriniń shaǵymy boiynsha, "Samuryq-Qazyna" ulttyq ál-aýqat qoryna tiesili KMG Kashagan BV golland kompaniiasynyń 5,2 mlrd dollar bolatyn aktsiiasyn buǵattaý týraly sheshimin ózgerissiz qaldyrdy.
Al bul sot sheshimi 2017 jyldyń 8-qyrkúieginde shyqqan edi. Stokgolm saýda palatasy bastamasymen qurylǵan sot qazaqstandyq tarapqa halyqaralyq mindettemelerin buzyp, Statige zalal keltirgen úshin 500 millionnan astam dollar tóleýdi mindettegen. Al jeltoqsan aiynda Ulttyq qordyń aktivine qyzmet kórsetetin Bank of New York Mellon Qazaqstan ulttyq qorynyń 22 milliard dollaryn buǵattaǵan edi.
Odan soń Ulttyq qordyń aqshasyn retteýshi Ulttyq bank elimizdiń atynan qarsy shaǵym túsirgenin málimdep edi. Bizge belgili bolǵandai,
Qazaqstan moldovan kásipkeri Stati men onyń sybailastaryn alaiaqtyq áreketteri úshin "Ujymdasqan qylmyspen jáne sybailas jemqorlyqpen kúres týraly" AQSh zańy aiasynda jazaǵa tartýdy surap otyr eken.
Aita ketelik, 2017 jyldyń jeltoqsan aiyndaǵy QR Qarjy ministrliginiń deregi boiynsha, Ulttyq qordaǵy qordyń kólemi 57,3 mlrd dollar bolǵan. Demek, buǵattalǵan aqsha — Ulttyq qordyń teń jartysy (!).
Budan buryn osy máselege qatysty pikir bildirgen eks-premer Ákejan Qajygeldin osynshama aqshanyń aiaqasty shetel bankinen bir-aq shyqqanyna qairan qalǵan bolatyn.
«Bilik ábden bylǵanǵan. Jemqorlyqtyń ushar basyna shyqty.
Halyq munshama aqshanyń shetel asqanynan habarsyz.
Mundai sheshimdi kim qabyldap júr? Bul – salym. Demek, túsken túsim bar. Jylyna jarty milliard. Bul kimniń qaltasynda ketti?», – deidi Qajygeldin.
Daiyndaǵan, Kámshát SÁTIEVA
