2026 jyldyń basynan beri Shyǵys Qazaqstan oblysynda ekonomikalyq qylmystardy tergeý aiasynda memleketke keltirilgen 2,1 mlrd teńge shyǵyn óteldi, dep habarlaidy dalanews.kz.
Shyǵys Qazaqstan oblysy boiynsha Ekonomikalyq tergep-tekserý departamenti basshysynyń orynbasary Timýr Muqanovtyń aitýynsha, kúdiktilerdiń múlki men aqshalai qarajatyna da tyiym salynǵan.
Onyń sózinshe, óńirdegi eń rezonansty isterdiń biri Óskemen áýejaiynyń burynǵy basshylyǵyna qatysty bolǵan. Tergeý málimetinshe, birneshe jyl boiy kásiporyn qarjysy jalǵan jalaqy men syiaqy esepteý, jalǵan kelisimsharttar jasaý jáne múlikti tómen baǵamen satý arqyly shyǵarylyp otyrǵan. Sot aiyptalýshylardy qyzmettik ókilettikterin asyra paidalaný, múlikti jymqyrý jáne qylmystyq jolmen alynǵan kiristerdi zańdastyrý boiynsha kináli dep tanydy. Memleketke keltirilgen shyǵyn 157 mln teńgeni qurap, sottalǵandarǵa bas bostandyǵynan aiyrý jazasy taǵaiyndaldy.
Sondai-aq óńirde jalǵan qujattar arqyly 374 mln teńge memlekettik sýbsidiia alǵan sharýa qojalyǵynyń basshysy sottalǵan. Budan bólek, «Taza Óskemen» kommýnaldyq kásipornynyń burynǵy basshylyǵyna qatysty is boiynsha biýdjet qarajatyn jalǵan qujattar arqyly affiliirlengen kompaniialarǵa aýdarý faktileri anyqtalǵan. Bul is boiynsha memleketke 61,2 mln teńge shyǵyn keltirilgen.
Budan ózge, óńirde zańsyz altyn óndirý, kontrafaktili alkogol óndirý jáne memlekettik satyp alýlardaǵy biýdjet qarajatyn jymqyrýǵa qatysty birqatar qylmystyq is tergelip jatyr.
