QMA Shyǵys Qazaqstan oblysy boiynsha departamenti Ulttyq qaýipsizdik komiteti departamentimen jáne prokýratýramen birlesip, Marqakól aýdanyndaǵy Aqbulaq aýylynyń mańynda tiisti ruqsat qujattarynsyz altyn óndirgen adamdar tobynyń zańsyz qyzmetin toqtatty, dep habarlaidy dalanews.kz.
Quramynda altyny bar kendi zańsyz óndirý jáne óńdeý saldarynan qorshaǵan ortaǵa eleýli zalal keltirildi. Atap aitqanda, topyraqtyń qunarly qabaty búlinip, jer bederiniń tabiǵi qurylymy buzylyp, ózen arnasy ózgertilgen.
Zańsyz jumystar jalpy aýmaǵy 30 gektar jer ýchaskesinde aýyr arnaiy tehnika men óndiristik keshenderdi paidalaný arqyly júrgizilgen. Zańsyz qyzmetke 30-dan astam adam, onyń ishinde Qytai Halyq Respýblikasynyń azamattary tartylǵan.
Tintý barysynda alty 40 tonnalyq júk kóligi, tórt shynjyr tabandy ekskavator, bir tiegish, sondai-aq quramynda altyny bar kendi óndirýge jáne jýýǵa arnalǵan eki óndiristik keshen tárkilendi. Tergeý jalǵasyp jatyr.
