قما شىعىس قازاقستان وبلىسى بويىنشا دەپارتامەنتٸ ۇلتتىق قاۋٸپسٸزدٸك كوميتەتٸ دەپارتامەنتٸمەن جەنە پروكۋراتۋرامەن بٸرلەسٸپ, مارقاكٶل اۋدانىنداعى اقبۇلاق اۋىلىنىڭ ماڭىندا تيٸستٸ رۇقسات قۇجاتتارىنسىز التىن ٶندٸرگەن ادامدار توبىنىڭ زاڭسىز قىزمەتٸن توقتاتتى, دەپ حابارلايدى dalanews.kz.
قۇرامىندا التىنى بار كەندٸ زاڭسىز ٶندٸرۋ جەنە ٶڭدەۋ سالدارىنان قورشاعان ورتاعا ەلەۋلٸ زالال كەلتٸرٸلدٸ. اتاپ ايتقاندا, توپىراقتىڭ قۇنارلى قاباتى بٷلٸنٸپ, جەر بەدەرٸنٸڭ تابيعي قۇرىلىمى بۇزىلىپ, ٶزەن ارناسى ٶزگەرتٸلگەن.
زاڭسىز جۇمىستار جالپى اۋماعى 30 گەكتار جەر ۋچاسكەسٸندە اۋىر ارنايى تەحنيكا مەن ٶندٸرٸستٸك كەشەندەردٸ پايدالانۋ ارقىلى جٷرگٸزٸلگەن. زاڭسىز قىزمەتكە 30-دان استام ادام, ونىڭ ٸشٸندە قىتاي حالىق رەسپۋبليكاسىنىڭ ازاماتتارى تارتىلعان.
تٸنتۋ بارىسىندا التى 40 توننالىق جٷك كٶلٸگٸ, تٶرت شىنجىر تاباندى ەكسكاۆاتور, بٸر تيەگٸش, سونداي-اق قۇرامىندا التىنى بار كەندٸ ٶندٸرۋگە جەنە جۋۋعا ارنالعان ەكٸ ٶندٸرٸستٸك كەشەن تەركٸلەندٸ. تەرگەۋ جالعاسىپ جاتىر.
