Biyl elimizde memleket jáne qoǵam qairatkeri Smaǵul Sádýaqasulynyń 125 jyldyǵy atalyp ótilýde. Búgin mereili dataǵa orai óńirde SQO ákimi Ǵaýez Nurmuhambetov, ziialy qaýym men jurtshylyqtyń qatysýymen respýblikalyq ǵylymi-praktikalyq konferentsiia ótti, – dep habarlaidy Dalanews.kz
SQO ákimi kórnekti tulǵa, elimizdiń birtýar perzentiniń mereitoiyna orai óńir basshysy Memleket basshysy Qasym-Jomart Toqaev joldaǵan quttyqtaý hatty oqyp berdi.
Mereili is-sharaǵa Smaǵul Sádýaqasulynyń ómirin zerttep, kitap jazǵan akademik Diqan Qamzabekuly men belgili azamattar alyp tulǵa týraly tyń oilarymen bólisti. Smaǵul Sádýaqasuly kúrdeli kezende mańyzdy memlekettik qyzmetterdi abyroimen atqaryp, tól rýhaniiatymyzdy órkendetýge zor eńbek sińirdi. Elimizde tuńǵysh qazaq drama teatrynyń ashylýyna, Qazaq pedagogika institýtynyń irgeli oqý ornyna ainalýyna yqpal etip, qazaq basylymynyń tarihi bastaýynda turdy.
Smaǵul Sádýaqasuly qysqa ǵumyrynda Qazaqstannyń tarihynda jarqyn iz qaldyrdy. Soltústikqazaqstandyqtar ataqty jerlesin maqtan tutady. Petropavldaǵy 2-shi orta mektepke esimi berilip, aldyna biýst ornatyldy. Búgin mereitoiǵa orai eskertkishke gúl shoqtaryn qoiý rásimi ótti. Sondai-aq qazaq teatrynda «Smaǵul shyńy» qoiylymynyń tusaýy kesildi. Bul sharalar Smaǵul Sádýaqasulynyń bai tarihi murasyn saqtap, bolashaq urpaqqa jetkizýge septesedi.
