Soltústik Qazaqstan oblysynda prokýratýra organdary eńbek qatynastary salasyndaǵy zańnama talaptarynyń buzylýyn anyqtady. Júrgizilgen taldaý nátijesinde Qazaqstan Respýblikasynyń Eńbek kodeksinde kózdelgen tólemderdiń qyzmetkerlerge tolyq kólemde tólenbegeni belgili boldy, dep habarlaidy Dalanews.kz
Atap aitqanda, Taiynsha jáne Ýálihanov aýdandarynyń bilim bólimderi Eńbek kodeksiniń 52-babynyń talaptaryn saqtamai, 215 pedagog qyzmetkerge biliktilikti arttyrý kýrstarynan ótýge bailanysty issapar shyǵyndaryn tólemegen. Tólenbegen qarajattyń jalpy somasy 22,3 mln teńgeni quraǵan.
Prokýrorlyq qadaǵalaý aktileriniń nátijesinde kináli laýazymdy tulǵalar zańda belgilengen jaýapkershilikke tartyldy. Qazirgi tańda 128 pedagogqa 10 mln teńge kóleminde tiesili tólemder tolyq óteldi.
Qalǵan qyzmetkerlerdiń buzylǵan eńbek quqyqtaryn qalpyna keltirý jumystary jalǵasyp jatyr.
