Belgili akter, ustaz Tuńǵyshbai Jamanqulov Baiqońyrdyń kóne ataýyna qatysty estigen málimet ózine qatty áser etkenin aitty, dep dalanews.kz tilshisi kznews.kz saityna silteme jasap habarlaidy.
Óner qairatkeriniń aitýynsha, ol jaqynda Baiqońyr aimaǵynyń erterektegi tarihi ataýy týraly bilgen. Akterdiń sózinshe, bul meken buryn "Jerkindik" dep atalǵan.
"Jaqynda Baiqońyrdyń el bolyp turǵan kezdegi alǵashqy ataýyn estidim. Tóbe shashym tik turdy. Burynǵy ataýy – Jerkindik eken. Dál sol jerden búginde adamzat ǵaryshqa samǵap jatyr", – dedi Tuńǵyshbai Jamanqulov.
Akter "Jerkindik" ataýynyń astarynda qazaq halqynyń keń oiy, tereń tanymy men kóregendigi jatqanyn atap ótti.
Onyń bul pikiri áleýmettik jeli qoldanýshylary arasynda keń talqylandy. Kópshilik óner iesiniń sózine qoldaý bildirip, "mundai oilardy tyńdai bergiń keledi", "Jerkindik – maǵynasy tereń ári ádemi ataý", "babalarymyzdyń danalyǵy tańǵaldyrady" degen pikirler jazǵan.
