Soltústik Qazaqstan oblysynda Tótenshe jaǵdailar ministri Shyńǵys Árinov pen óńir basshysy Ǵaýez Nurmuhambetovtyń qatysýymen qutqarý jáne izdeý sharalaryna arnalǵan alǵashqy ámbebap keshenniń ashylýy ótti,- dep habarlaidy Dalanews.kz
Jańa nysan Pestroe kóli jáne Teplichnoe aýylynyń mańynda ornalasqan.
Aita ketý kerek, buryn jedel-qutqarý jasaǵynda óziniń ǵimaraty bolmaǵan. Jańa keshen azamattardyń qaýipsizdigin qamtamasyz etýde mańyzdy ról atqaryp, qutqarýshylarǵa apattyq jaǵdai kezinde jedel áreket etýge múmkindik beredi. Keshen zamanaýi jabdyqtar men tehnikamen jabdyqtalǵan. Mysaly, avtokóliktiń esigin ashýǵa "taran", jol-kólik oqiǵalarynda metall kesý jáne keńeitýge arnaiy qural satyp alynǵan. Keshende súńgýirler men qaiyqtar, ittermen kinologtar da bar.
"Tasqynda jedel-qutqarý jasaǵy adamdardy qutqarý boiynsha mańyzdy missiiany atqarady. Endi tótenshe oqiǵalarǵa daiyndyq deńgeii aitarlyqtai ósip, áreket etý ýaqyty qysqarady jáne kómek kórsetý sapasy jaqsarady", - dedi Ǵaýez Nurmuhambetov.
Eske salaiyq, buǵan deiin SQO-da sý tasqyny qaýpi bar aimaqtar drondarmen baqylanatynyn jazǵan bolatynbyz. Soltústik óńir sý tasý qaýpi joǵary aimaqqa jatady. Sondai-aq «qyzyl» aimaqta Abai oblysy men Shyǵys óńiri bar.
