Qaraǵandy oblysynda bir top adamnyń qylmystyq áreketiniń joly kesildi, dep habarlaıdy Dalanews.kz.

İİM málimetinshe, top músheleriniń biri sport salasyndaǵy bedelin paıdalanyp, sportty qoldaý, damytý degen syltaýmen jastardy aýyr jáne asa aýyr qylmystar jasaýǵa tartqany anyqtalǵan.

"Urlyq, bopsalaý, alaıaqtyq jáne tonaý faktileri boıynsha alty qylmystyq is qozǵaldy. Qabyldanǵan sharalar men jedel áreketter nátıjesinde 20 adam ustaldy. 47 sanksıalanǵan tintý júrgizilip, zańsyz aınalymnan atys qarýlary jáne sýyq qarýlar, oq-dáriler, kólikter, iri kólemdegi aqsha, onyń ishinde shetel valútasy, sondaı-aq, qylmystyq ister úshin mańyzy bar ózge de zattaı dálelder tárkilendi", - dedi İİM uıymdasqan qylmysqa qarsy kúres departamentiniń ókili Qýandyq Alpys.