قاراعاندى وبلىسىندا ءبىر توپ ادامنىڭ قىلمىستىق ارەكەتىنىڭ جولى كەسىلدى، دەپ حابارلايدى Dalanews.kz.
ءىىم مالىمەتىنشە، توپ مۇشەلەرىنىڭ ءبىرى سپورت سالاسىنداعى بەدەلىن پايدالانىپ، سپورتتى قولداۋ، دامىتۋ دەگەن سىلتاۋمەن جاستاردى اۋىر جانە اسا اۋىر قىلمىستار جاساۋعا تارتقانى انىقتالعان.
"ۇرلىق، بوپسالاۋ، الاياقتىق جانە توناۋ فاكتىلەرى بويىنشا التى قىلمىستىق ءىس قوزعالدى. قابىلدانعان شارالار مەن جەدەل ارەكەتتەر ناتيجەسىندە 20 ادام ۇستالدى. 47 سانكسيالانعان ءتىنتۋ جۇرگىزىلىپ، زاڭسىز اينالىمنان اتىس قارۋلارى جانە سۋىق قارۋلار، وق-دارىلەر، كولىكتەر، ءىرى كولەمدەگى اقشا، ونىڭ ىشىندە شەتەل ۆاليۋتاسى، سونداي-اق، قىلمىستىق ىستەر ءۇشىن ماڭىزى بار وزگە دە زاتتاي دالەلدەر تاركىلەندى"، - دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
