Sozaqta Soworking ortalyǵy ashyldy.
Saltanatty sharaǵa Sozaq aýdanynyń ákimi, «Nur Otan» partiiasy Sozaq aýdandyq filialynyń tóraǵasy Salyhan Polatov, aýdandyq partiia filialy tóraǵasynyń birinshi orynbasary Rolan Áljanov, aýdandyq máslihattyń hatshysy Begimbet Baiǵaraev, aýdan ákiminiń orynbasarlary, salalyq bólim basshylary, kitaphanashylar, oqyrmandar qatysty.
Jalpy, Kovorking degen ne? Aǵylshyn tilinen aýdarǵanda - birge jumys isteý. Qazirgi tańda kitaphanadaǵy kovorking ortalyǵyn kommýnikativtik alań dep aitýǵa bolady. Bul jerde kelýshiler bos ýaqyttaryn kitaphana qoryn paidalanýmen qatar, internet, teledidar resýrstaryn da qoldana alady, bul úshin ortalyqta internet jelisine qosylǵan kompiýterler, teledidar, aýdio, tsifrlyq formattaǵy intellektýaldy kontent qoljetimdi (kitaptar, merzimdi basylymdar, aýdio, beine, oiyndar jáne t.b.). Munan bólek, Ortalyqta kelýshiler azdap demalýǵa, kofe, shai sekildi sýsyndar ishýge arnalǵan arnalǵan jihaz, qural-jabdyqtar qoiylǵan. Atalmysh ortalyq kitaphanaǵa kelgen ár januianyń súiikti demalys ornyna ainalady dep kútilýde. Ashylý rásiminde sóz alǵan S.Polatov:
– Elbasymyzdyń «Uly Dalanyń jeti qyry» maqalasynda atap kórsetken qazaq dalasynyń ejelgi zamannan beri kele jatqan bai tarihi-mádeni muralaryn óskeleń urpaqqa jańa zamanaýi tehnologiialardy qoldana otyryp sińirtý úlken mańyzǵa ie shara bolyp tabylady. Kez-kelgen adamǵa óziniń súiikti isimen ainalysýyna, arnaiy taqyryptarda dóńgelek ústelder uiymdastyrýǵa, shahmat, doiby oinaýǵa, gúl ósirip, qolóner buiymdaryn jasaýǵa zor múmkindik jasaityn bul Ortalyq «Nur Otan» partiiasy Túrkistan oblystyq filialynyń uiytqy bolýymen ashylyp otyr. Otandyq kitaphanalardy jańǵyrtyp, olardy qazirgi zaman talabyna sai bilim ortalyqtaryna ainaldyrý úshin ashylyp otyrǵan ortalyq óskeleń urpaqtyń rýhani qundylyqtarymyzben sýsyndap, ultymyzdyń dástúri men tarihyn qurmetteýge úndeidi, – dep atap ótti.
Óz kezeginde sóz alǵan aýdandyq máslihat hatshysy B.Baiǵaraev:
– Qazirgi kitaphanalar tek qyzmet kórsetý mekemesi ǵana emes, turǵyndar úshin ziiatkerlik demalys ornyna ainalýy, turǵyndardy kitap oqýǵa baýlý maqsatynda túrli sharalar qabyldanyp, júieli jumystar atqarylýda. Mine búgingi ashylyp otyrǵan kovorking ortalyǵy sonyń dáleli. Biz aldaǵy ýaqytta mundai ortalyqtardy aýdannyń birqatar eldi mekenderinen ashýdy josparlap otyrmyz, – dep ortalyqtyń aldaǵy jumysyna sáttilik tiledi.
Dalanews.kz
