سوزاق اۋدانىنداعى ورتالىقتاندىرىلعان كىتاپحانالار جۇيەسى جانىنان اۋدانداعى العاشقى كوۆوركينگ ورتالىعىنىڭ اشىلدى.

سالتاناتتى شاراعا سوزاق اۋدانىنىڭ اكىمى، «نۇر وتان» پارتياسى سوزاق اۋداندىق فيليالىنىڭ ءتوراعاسى سالىحان پولاتوۆ، اۋداندىق پارتيا فيليالى ءتوراعاسىنىڭ ءبىرىنشى ورىنباسارى رولان ءالجانوۆ، اۋداندىق ءماسليحاتتىڭ حاتشىسى بەگىمبەت بايعارايەۆ، اۋدان اكىمىنىڭ ورىنباسارلارى، سالالىق ءبولىم باسشىلارى، كىتاپحاناشىلار، وقىرماندار قاتىستى.

جالپى، كوۆوركينگ دەگەن نە؟ اعىلشىن تىلىنەن اۋدارعاندا - بىرگە جۇمىس ىستەۋ. قازىرگى تاڭدا كىتاپحاناداعى كوۆوركينگ ورتالىعىن كوممۋنيكاتيۆتىك الاڭ دەپ ايتۋعا بولادى. بۇل جەردە كەلۋشىلەر بوس ۋاقىتتارىن كىتاپحانا قورىن پايدالانۋمەن قاتار، ينتەرنەت، تەلەديدار رەسۋرستارىن دا قولدانا الادى، بۇل ءۇشىن ورتالىقتا ينتەرنەت جەلىسىنە قوسىلعان كومپيۋتەرلەر، تەلەديدار، اۋديو، سيفرلىق فورماتتاعى ينتەللەكتۋالدى كونتەنت قولجەتىمدى (كىتاپتار، مەرزىمدى باسىلىمدار، اۋديو، بەينە، ويىندار جانە ت.ب.). مۇنان بولەك، ورتالىقتا كەلۋشىلەر ازداپ دەمالۋعا، كوفە، شاي سەكىلدى سۋسىندار ىشۋگە ارنالعان ارنالعان جيھاز، قۇرال-جابدىقتار قويىلعان. اتالمىش ورتالىق كىتاپحاناعا كەلگەن ءار جانۇيانىڭ سۇيىكتى دەمالىس ورنىنا اينالادى دەپ كۇتىلۋدە. اشىلۋ راسىمىندە ءسوز العان س.پولاتوۆ:

–  ەلباسىمىزدىڭ «ۇلى دالانىڭ جەتى قىرى» ماقالاسىندا اتاپ كورسەتكەن قازاق دالاسىنىڭ ەجەلگى زاماننان بەرى كەلە جاتقان باي تاريحي-مادەني مۇرالارىن وسكەلەڭ ۇرپاققا جاڭا زاماناۋي تەحنولوگيالاردى قولدانا وتىرىپ ءسىڭىرتۋ ۇلكەن ماڭىزعا يە شارا بولىپ تابىلادى. كەز-كەلگەن ادامعا ءوزىنىڭ سۇيىكتى ىسىمەن اينالىسۋىنا، ارنايى تاقىرىپتاردا دوڭگەلەك ۇستەلدەر ۇيىمداستىرۋعا، شاحمات، دويبى ويناۋعا، گۇل ءوسىرىپ، قولونەر بۇيىمدارىن جاساۋعا زور مۇمكىندىك جاسايتىن بۇل ورتالىق «نۇر وتان» پارتياسى تۇركىستان وبلىستىق فيليالىنىڭ ۇيىتقى بولۋىمەن اشىلىپ وتىر. وتاندىق كىتاپحانالاردى جاڭعىرتىپ، ولاردى قازىرگى زامان تالابىنا ساي ءبىلىم ورتالىقتارىنا اينالدىرۋ ءۇشىن اشىلىپ وتىرعان ورتالىق وسكەلەڭ ۇرپاقتىڭ رۋحاني قۇندىلىقتارىمىزبەن سۋسىنداپ، ۇلتىمىزدىڭ ءداستۇرى مەن تاريحىن قۇرمەتتەۋگە ۇندەيدى، – دەپ اتاپ ءوتتى.

ءوز كەزەگىندە ءسوز العان اۋداندىق ءماسليحات حاتشىسى ب.بايعارايەۆ:

– قازىرگى كىتاپحانالار تەك قىزمەت كورسەتۋ مەكەمەسى عانا ەمەس، تۇرعىندار ءۇشىن زياتكەرلىك دەمالىس ورنىنا اينالۋى، تۇرعىنداردى كىتاپ وقۋعا باۋلۋ ماقساتىندا ءتۇرلى شارالار قابىلدانىپ، جۇيەلى جۇمىستار اتقارىلۋدا. مىنە بۇگىنگى اشىلىپ وتىرعان كوۆوركينگ ورتالىعى سونىڭ دالەلى. ءبىز الداعى ۋاقىتتا مۇنداي ورتالىقتاردى اۋداننىڭ ءبىرقاتار ەلدى مەكەندەرىنەن اشۋدى جوسپارلاپ وتىرمىز، – دەپ ورتالىقتىڭ الداعى جۇمىسىنا ساتتىلىك تىلەدى.

Dalanews.kz