Almaty oblystyq soty Nurbol Nazarbaevtyń apelliatsiialyq shaǵymyn qarap, Qarasai aýdandyq sotynyń buǵan deiin shyǵarǵan sheshimin ózgerissiz qaldyrdy, dep habarlaidy dalanews.kz
Nurbol Nazarbaev sottan óziniń tólem qabiletin qalpyna keltirý rásimin qoldanýdan bas tartý týraly sheshimniń kúshin joiýdy suraǵan. Ol jalpy kólemi 57,9 mlrd teńgeden asatyn qaryzy bar ekenin aityp, ózinde múlki baryn jáne seriktesteriniń qaryzdyń bir bóligin óteýge daiyn ekenin alǵa tartqan.
Alaida sot bul ýájderdi jetkilikti dep tanymady. Apelliatsiialyq sottyń málimetinshe, Nurbol Nazarbaev óziniń naqty qarjylyq jaǵdaiyn jan-jaqty baǵalaýǵa múmkindik beretin tabysy men shyǵysy týraly tolyq málimet usynbaǵan.
Sondai-aq sot usynylǵan qujattarda onyń múliktik jáne otbasylyq jaǵdaiyna tolyq taldaý jasalmaǵanyn atap ótti. Budan bólek, sot alqasy Nurbol Nazarbaevtyń dál osyndai ótinishpen buǵan deiin de júgingenine nazar aýdardy. Alaida onyń tólem qabiletinen aiyrylǵanyn nemese qarjylyq jaǵdaiyn saqtap qalý úshin qandai da bir áreket jasaǵanyn dáleldeitin qujattar usynylmaǵan.
Osyǵan bailanysty apelliatsiialyq sot Qarasai aýdandyq sotynyń sheshimin kúshinde qaldyryp, Nurbol Nazarbaevtyń shaǵymyn qanaǵattandyrýdan bas tartty. Sot qaýlysy zańdy kúshine endi. Bul sheshimge kassatsiialyq tártippen shaǵymdanýǵa bolmaidy.
